Yuunɛ woo, Yehowa nɛreba ni kɔ’ɔn ana la lɛɛ gura ti ba wan laɣum taaba eŋɛ Tiirɛ Dia la. Bakwai fii ge ti Tiirɛ Dia la nyaa paɛ, la Tiirɛ Dia la pooren la to ni dekɛ la yɔ’ɔ woo ti to wan nyɛ pɛ̃ɣɛ Yehowa ge na’asa en la eŋa n bo to lua bunɔ la. (Ep 1:3, 7) Makerɛ, to ni kɔ’ɔn yese la to suure za’a beem nɛreba ti ba wa’an Tiirɛ Dia la na. Basɛba ni eŋɛ la maaseŋɔ ti ba dekɛ awa 30 bii 50 tum sore ŋmɛ’a soŋerɛ tuuma la March bii April ŋmaresi la poan. Hon wan bɔta ti ho yalegɛ ho na’am tuuma la Tiirɛ Dia saŋa la? Beni n wan ta’an soŋɛ hɔ ti ho eŋɛ bala?

Saŋa zo’e zo’e la to san ni te’ele maasum, to wan ta’an tum zo’e. (Mag 21:5) Tiirɛ Dia la n pɔ̃rɛ la, la nari ti to pɔsɛ maasena nananawa. Ti’isɛ bisɛ hon wan eŋɛ se’em ta’an yalegɛ ho na’am tuuma la Tiirɛ Dia saŋa la ge geele bisɛ hon wan eŋɛ se’em ta’an tum dɛ. Nyaa zusɛ Yehowa ti a soŋɛ hɔ, la hon tiregɛ ti ho eŋɛ sɛla la.​—1Yo 5:14, 15.

Hon wan ta’an ti’isɛ bisɛ sarɔtɔ se’a n wan soŋɛ hɔ ti ho yalegɛ ho na’am tuuma la Tiirɛ Dia saŋa la?