Sɛla woo ti to ita, to boti la Yehowa puurɛ pee. (Mag 27:11) To san wan ta’an eŋɛ bala, la nari ti ton kɔ’ɛ to puti’irɛ yelese’a poan la makɛ la a ti’isegɔ hali yele la san puɣum ka tara lɔɔ wana mɔpi. Bem n wan ta’an soŋɛ tɔ ti to eŋɛ bala?

Kɔ’ɔn dɔla ho Baabule zamesegɔ maaseŋɔ la. To san ni kaala Baabule la, la ni ana to wuu to sɔseri me la Yehowa la. To wan ta’an bɔkɛ Yehowa ti’isegɔ doose la eŋa la nɛreba n yuun ani se’em diimi sa ge me zamesɛ baŋɛ sɛba n yuun tum tuunsoma la tuunbe’ero. La yele san ta pakɛ ti to kɔ’ɛ to puti’irɛ yɛla poan, Yehowa zilam vo’osum la wan ta’an soŋɛ tɔ ti to tɛ̃ra ninmɔ’ɔrɛ yɛla la Baabule naresum yɛla n boi Naayinɛ Yelesum la poan.​—Yon 14:26.

Ita viisegɔ. Ho san yeti ho kɔ’ɛ ho puti’irɛ yele poan, soke homea yeti, ‘Gulesegɔ kani n boi Baabule la poan n wan ta’an soŋɛ mam ti n baŋɛ lan ani Yehowa se’em yele la poan?’ Zusɛ Yehowa ti a soŋɛ hɔ ge dekɛ tiokrasi viisegɔ lɔɣɔrɔ n boi ho yetɔɣum poan viisɛ yɛla ti la soŋɛ hɔ ti ho nyɛ Baabule naresum yɛla n makɛ la ho yele la.​—Ym 25:4.

BISƐ VIDIYO LA ZUO N DE LA SONTI “TO ŊMIBE ZƆTA”​—DITA DINƆ’ƆMA GE NYAA LEBESE SOKE ANA WA:

• Bem pɛ̃regerɛ yɛla n paɛ mabipɔka la n boi vidiyo la poan la?

  textarea-1

• Pɛ̃regerɛ kaŋa taaba san paɛ hɔ, ho wan eŋɛ la wani dekɛ viisegɔ lɔɣɔrɔ tum tuuma ti la ta’an soŋɛ hɔ?

  textarea-2

• To wan nyɛ nyuurɔ la wani to san tiregɛ eŋɛ viisegɔ ge me ita tomea zamesegɔ n wan ta’an soŋɛ tɔ ti to kɔ’ɛ to puti’irɛ yɛla poan?​—Heb 5:13, 14

  textarea-3