Naayinɛ Yetɔɣum wan ta’an tee to vom. (Heb 4:12) Ge to san wan nyɛ nyuurɔ Baabule la poan ti la gu’ura tɔ, pa’ala tɔ ge me ka’ana tɔ, la nari ti to sakɛ ti ku sirum dela “Naayinɛ gɔŋɔ.” (1Te 2:13) To wan eŋɛ la wani tara sakerɛ n kpe’em Baabule la poan?

Daarewoo ni loe Baabule la bɔberɛ deyima kaalɛ. Ho san kaala, bisɛ yelese’a n pa’alɛ ti Yehowa n gulesɛ Baabule la. Makerɛ, ni geele bisɛ ka’aŋɔ seto n boi Magaha gɔŋɔ la poan ge dãalɛ yɛm sebo n ka tari ba’asegɔ n boi bim la basɛ.​—Mag 13:20; 14:30.

Maasum hon wan zamesa se’em. Zamesɛ baŋɛ yelese’a n pa’alɛ ti Naayinɛ n sirum basɛ ti ba gulesɛ Baabule la. Bisɛ Research Guide for Jehovah’s Witnesses la poan ɛ zɛ’an n yeti “The Bible” la “Inspired by God.” Yelese’a n boi New World Translation Appendix A3 poan la me wan ta’an soŋɛ tɔ ti to tara sakerɛ ti yelese’a n boi Baabule la poan la ka tee.

BISƐ VIDIYO LA ZUO N DE SƐLA N SƆI TI TO TARA SAKERƐ . . . BƆ’ƆRA NAAYINƐ YETƆƔUM LA GE NYAA LEBESE SOKE ANA WA:

• Sore kani poan ti Karnak pu’usego deo lalega la ti ba yuun nyɛ Egypt tiŋa poan la pa’alɛ Naayinɛ Yetɔɣum la n de yelemɛŋɛrɛ se’em?

  Your answer

• To eŋɛ la wani baŋɛ ti yelese’a n boi Baabule la poan la ka tee?

  Your answer

• Sore kani poan ti ban ka nyaŋɛ sa’am Baabule la pa’alɛ ti la dela Naayinɛ Yetɔɣum?​—Kaalɛ Isaiah 40:8

  Your answer