Ba’asegɔ saŋa wa poan la, yeledaaŋɔ zo’e zo’e paari to mɛ. Saŋa ase’a, la ta’an ana to wuu to yeledaaŋɔ la gaŋɛ to paŋa mɛ. Ge to san ana tapilapi la Yehowa, a wan soŋɛ tɔ ti to nyaŋɛ ŋmibe susa’aŋɔ yɛla poan. (Isa 43:2, 4) Yeledaaŋɔ san paɛ tɔ, to wan eŋɛ la wani ta’an ana tapilapi la Yehowa?

Zusega. To san yese to suure poan zusɛ Yehowa, a wan soŋɛ tɔ ti to tara suma’asum la paŋa ta’an ŋmibera.​—Flp 4:6, 7; 1Te 5:17.

Zamesegɔ. La yele pakɛ mɛ ti to kena zamesegɔ ta’an nyɛta vo’osum poan dia ti Yehowa tara bɔ’ɔra to la ge me naɛ la to mabiisi sɔsera. (Heb 10:24, 25) To san ni maasum soŋa keŋɛ zamesegɔ ge me bo lebesego, la pa’alɛ ti to basɛ ti Yehowa vo’osum la soŋera to mɛ.​—Lil 2:29.

Na’am Mɔɔlegɔ. To san kena na’am mɔɔlegɔ saŋa woo, la wan soŋɛ tɔ ti to puti’irɛ bɔna yelesoma poan. La me wan kelum basɛ ti tomam la to tuuntuna tadaandoma la Yehowa zɔtɔ nyɔka la kpe’em.​—1Ko 3:5-10.

BISƐ VIDIYO LA ZUO N DE YEHOWA WAN TO’E HO GE NYAA LEBESE SOKE ANA WA:

• Bem n daa soŋɛ Malu ti a daa ana tapilapi la Yehowa a gurebisɛ la poan?

  textarea-1

• Wuu Malu la, sore kani poan ti Yooma 34:18 wan ta’an buɣelɛ to suure gurebisɛ poan?

  textarea-2

• Sore kani poan ti Malu zi’irego poan yele la pa’alɛ ti Yehowa bo’ori to la “pansɛka n gaŋɛ asaala paŋa” gurebisɛ san paɛ tɔ?​—2Ko 4:7

  textarea-3