Baabule la yeti to ita Kristakɔma pɔɣenya’asi wuu ba dela to madoma ge me ana la pɔɣesa’ara la wuu ba dela to tãpa. (Kaalɛ 1 Timoti 5:1, 2.) Buraasi nari ti ba bɔ’ɔra pɔɣesi gilema ge me na’asa ba.

La ka nari ti mabiburaa sarena la mabipɔka bii ita yɛla ase’a la mabipɔka ti la ka ana en soŋa. (Yob 31:1) Mabiburaa n de nɛreyone kan ita mabipɔka wuu a boti en mɛ la ti a tara konkoma’asum la en ge ka bɔta en.

Keendoma nari ti ba ni kelese sɛla ti mabipɔɣesi ni sɔkera ba la soŋa bii ba bisɛ yelese’a ti ba ni yɛta ba la soŋa. Keendoma nari ti ba bisa sɛba n ka tari sireba la soŋa.—Arut 2:8, 9.

BISƐ VIDIYO LA ZUO N DE TARA NƆŊERƐ N KƆ’ƆN BƆNA WUUHA TANSUGERE LA POAN BƆ’ƆRA —PƆKƆ̃PA LA KIIBESI GE NYAA LEBESE SOKERE ANA WA:

• Tansugere la eŋɛ la bem pa’alɛ ti ba tari nɔŋerɛ bɔ’ɔra Mabipɔka Myint?

• Tansugere la n eŋɛ pa’alɛ ti ba tari nɔŋerɛ la, basɛ ti la dɛna yelesonɛ la wani teŋa la poan?

• Tansugere la n tari nɔŋerɛ se’em bɔ’ɔra Mabipɔka Myint la, basɛ ti la ana a poyɔɔsi la wani?

Hon wan eŋɛ la bem pa’alɛ ti ho tari nɔŋerɛ bɔ’ɔra mabipɔɣesi la n boi ho tansugere la poan la?