Baabule la tari la makerɛ zo’e zo’e n pa’alɛ ti Yehowa ni lerege zusega mɛ. Naayinɛ yamesi n ni nyɛ Yehowa n keleseri nɛra woo yele ge soŋera ba se’em la, ni basɛ ti ba sakerɛ tara la paŋa. Bala la, la nari ti to ni tɔɣɛ yele la mɔpi zusega poan bo Yehowa ge ti’isa Yehowa n wan lebese se’em. Tɛra ti lebesego la ta’an bɔna de to’ore la sɛla ti ho zusɛ la bii la gana sɛla ti ho zusɛ la. (2Ko 12:7-9; Ep 3:20) Yehowa ta’an lebese to zusega la wani?

• Inganɛ poan, suure poan bii vo’osum poan paŋa ti to ta’an maalɛ to yele.​—Flp 4:13

• Nyɛ yɛm kɔ’ɛ puti’irɛ tum tuunsonɛ.​—Yam 1:5

• Tara putɛsonɛ la paŋa ta’an tum tuunɛ​—Flp 2:13

• Ta’an ana bãalam yele san paɛ tɔ.​—Flp 4:6, 7

• A ta’an basɛ ti nɛreba soŋɛ to inganɛ poan bii buɣelɛ to suure ge kpemese to giila.—1Yo 3:17, 18

• Sɛba ti to zusera bɔ’ɔra ba la me ta’an nyɛ soŋerɛ.​—Tm 12:5, 11

BISƐ VIDIYO LA ZUO N DE YEHOWA DELA “SE’EM N KELESERI ZUSEGA” GE NYAA LEBESE SOKERE ANA WA:

• Mabia Shimizu zi’irego poan yele la wan ta’an kpemese to giila la wani to san bɛ̃’ɛra ge kan ta’an tum zo’e?

• To wan eŋɛ wani ta’an tɔɣesɛ Mabia Shimizu makesonɛ la?