Mabiisi la ni ti’isɛ mɛ paa ge gulesɛ na’am mɔɔlegɔ sɔsega la, la me soŋɛ to mabiisi zo’e zo’e mɛ ba gingilega poan. Ge to bɔŋa zɛ’an n boi tɔka tɔka la zuo, mabiisi wan ta’an dekɛ yelese’a n kɛ̃’ɛri nɛreba suure ba gingilega la poan tum tuuma na’am mɔɔlegɔ poan. Ge la san dɛna la na’am mɔɔlegɔ n boi de to’ore, la nari ti nɛra woo dɔla pa’alegɔ seko ti ba yeti to dekɛ tum tuuma la. To zugbere tuunɛ dela to mɔɔlɛ Na’am yelesoma la ti Yezu yeti to mɔɔlɛ la.​—Mt 24:14.

Na’am mɔɔlegɔdoma san tara tuunɛ sukuu la poan, ba dekɛ na’am mɔɔlegɔ sɔsega yelezure la n boi Vom la Na’am Tuuma Zamesegɔ Gɔŋɔ la poan la tum tuunɛ la. Ge san daɣena ba yele la sɛla mɔpi, ba ta’an dekɛ na’am mɔɔlegɔ sɔsega yelezure la tum tuuma ge tee bamea sokere, Baabule gulesegɔ bii sokese’ere n ani wam gingilega la poan la ta’an tɔ̃kɛ sɔsega la daanse’ere. Pa’alegɔ wa tee pa’alegɔ seko n boi June 2020 na’am tuuma zamesegɔ gɔŋɔ gɔnlaka 8 la poan mɛ.