To puti’irɛ san bɔna vo’osum tuuma poan, bala pa’alɛ ti to tari to paŋa la tuna la soŋa. (1Ko 9:26) Tiŋa wa ba’asegɔ la kɔ’ɔn pɔ̃ra mɛ. Sɛla n wan soŋɛ tɔ ti to dekɛ to saŋa la tum tuuma soŋa dela to tari vo’osum poan yɛla. (Ep 5:15, 16) Na’am tuuma yuunɛ woo ni pɔsɛ la September 1 ta paɛ August 31, la ni dɛna la yɔ’ɔ bo to ti to loe yɛla ase’a tum. Ya kan dekɛ ya deodoma pu’usegɔ saŋa la bisɛ ya wan ta’an eŋɛ sɛla na’am tuuma yuun paalɛ la poan? To na’am tuuma gɔŋɔ wa tari la yɛla ase’a n wan soŋɛ hɔ ti ho bisɛ vo’osum yelese’a ti ho wan ta’an doose zusega poan geele a.​—Yam 1:5.

Makerɛ, deodoma la za’a ta’an laɣum soŋɛ ti ayima tum sore ŋmɛ’a tuuma la? Ho san ti’isa ti ho kan nyaŋɛ paɛ ho awa la, ho ta’an sɔsɛ la sore ŋmɛ’adoma basɛba bɔŋa n ani wuu hon la. (Mag 15:22) Daanse’ere ho ta’an beem sore ŋmɛ’adaana ayima ya deodoma pu’usegɔ poan ti ya sɔsɛ. Ho ta’an gulesɛ yelese’a ti ho maasum ti ho eŋɛ la. Ho san tabelɛ tum sore ŋmɛ’a tuuma la, ti’isɛ bisɛ nyaa ho wan ta’an nyɛ yɔ’ɔ ho bɔŋa la poan nananawa le tum sore ŋmɛ’a tuuma la.

Ya deodoma basɛba wan ta’an dekɛ ŋmarega bii ŋmaresi tum sore ŋmɛ’a soŋerɛ tuuma la? Ho san ka ba’ɛ tara paŋa, ho ta’an kelum tum sore ŋmɛ’a soŋerɛ tuuma la yele yele wuu ho san maasum soŋa kena na’am mɔɔlegɔ fii fii daarewoo. Ho san dɛna la tuuntuna bii ho dela sukuu bia ge bisɛ ti ho ka tari nɛŋa n wan kena na’am mɔɔlegɔ bakwai la poan, ho ta’an loe ŋmaresɛka n tari holiday bii ho bisɛ ŋmaresɛka n tari Asibidaarɛ la Alaserɛdaarɛ sugumnɔɔrɛ bunuu dekɛ tum sore ŋmɛ’a soŋerɛ tuuma la. Daalɛ kalanda poan dabese’a ti ho bɔta ti ho dekɛ tum sore ŋmɛ’a soŋerɛ tuuma la ta’an maasum homea soŋa.​—Mag 21:5.

BISƐ VIDIYO LA ZUO N DE TARA SUKPE’ENE LA HON DE . . . SORE ŊMƐ’A DAANA LA GE NYAA LEBESE SOKERE ANA WA:

• Yehowa soŋɛ Mabipɔka Aamand la wani? Bala pa’alɛ tomam la bem?