August 5-11

NAAYINƐ TUULUM YƐLA

1. Tɔɣɛ Naayinɛ Paŋa La Yele Bo ‘Dɔɣepa’asɛ Sɛka N Taɣelɛ La’

(Mita 10)

David n yuun de bunbilipaalega la, Yehowa yuun te’ele en mɛ (Ym. 71:5; w99 9/1 18 ¶17)

David n yuun ta kuregɛ la, Yehowa yuun soŋɛ en mɛ (Ym. 71:9; g04 10/8 23 ¶3)

David yuun tɔɣɛ a zi’irego poan yɛla bo bunbilipaalesi mɛ ta’an kpemese ba giila (Ym. 71:17, 18; w14 1/15 23 ¶4-5)

SOKE HOMEA YETI, ‘Tansugere la poan, mabiisi bani n pu’usɛ Yehowa ti la yue ti n wan ta’an beem ba to Deodoma Pu’usegɔ poan ti to soke ba yɛla?’

2. Vo’osum Poan Yɛla

(Mita 10)

Ym. 72:8—Yehowa n yuun yeti a wan eŋɛ sɛla bo Abraham ti la bɔna Pin’ileŋɔ 15:18 la, yuun tum tuuma la wani Naba Solomon na’am bisega la poan? (it-1 768)

Lebese
Bem vo’osum poan yɛla n boi bakwai wa Baabule kaalegɔ la poan ti hon wan bɔta ti ho tɔɣɛ de yele?

Lebese

3. Baabule Kaalegɔ

(Mita 4) Ym. 71:1-24 (th zaseŋɔ 5)

DEKƐ TUM TUUMA NA’AM MƆƆLEGƆ POAN

4. Pɔsɛ Sɔsega

(Mita 3 ) YIRE LA YIRE. Nɛra la san bɔta ti a ŋmɛ nɔkpe’ene, doose gilema sore poan ki’ilum sɔsega la. (lmd zaseŋɔ 4 yelezure 5)

5. Lebe Ta Bisɛ

(Mita 4) MƆƆLA ZƐSƐKA WOO TI HO BƆNA. Hon la ho suɔ n ka boti a zamesɛ Baabule la, tɔ̃kɛ yan daa puɣum sɔsɛ sɛla la. (lmd zaseŋɔ 8 yelezure 4)

6. Tɔɣɛ Ho Sakerɛ Yɛla

(Mita 5) Yetɔɣum. Ijwfq-E 49—Zuo: Bem Zuo Ti Yehowa Sɛɛradoma Tee Ba Sakerɛ Yɛla Ase’a? (th zaseŋɔ 17)

TO BƆNA WUU KRISTAKƆMA

7. Yelese’a Ti Ya Wan Ta’an Tara Ita Deodoma Pu’usegɔ

(Mita 15) Sɔsega.

Deodoma Pu’usegɔ dela sansɛka ti kɔma wan zamesɛ ‘Yehowa tubedɔlegerɛ la a pa’alegɔ’ yɛla. (Ep. 6:4) Zamesegɔ dela tuunɛ ge ya san tiregɛ zamesɛ, ya puurɛ wan pee yele yele wuu kɔma san bɔta ti ba baŋɛ Baabule yelemɛŋɛrɛ la. (Yon 6:27; 1 Pe. 2:2) Bisɛ daka la zuo n de “ Ya Ta’an Dekɛ Eŋɛ Deodoma Pu’usegɔ” ti la ta’an soŋɛ dɔɣereba ti ba Deodoma Pu’usegɔ tara pupeelum ge ana soŋa. Sɔsɛ soke ana wa:

Yeledeni ti ho wan bɔta ti ho dekɛ tum tuuma?

Lebese
Hon le nyɛ la bem ti la wan soŋɛ ya?

Lebese

YA TA’AN DEKƐ EŊƐ DEODOMA PU’USEGƆ

BAABULE:

Yamea ta’an kaalɛ bakwai la Baabule kaalegɔ la bii ya kelese kɔ̃’a yetɔɣum poan. Deodoma la woo ta’an kaalɛ Baabule poan nɛra n tɔɣɛ sɛla
Bisɛ bakwai Baabule kaalegɔ la poan maasum sokere ase’a. Basɛ ti deodoma la woo loe sokere ayima viisɛ de yele. Ba nyaa ta’an sɔsɛ ban viisɛ nyɛ sɛla la
Soke sɛla bii tɔɣɛ yeledaaŋɔ n wan ta’an paɛ ya yele ge nyaa viisɛ Baabule naresum yɛla Scriptures for Christian Living gɔŋɔ la poan ti la soŋɛ ya
Dekɛ ya Baabule poan nɛra yele eŋɛ itipa’alegɔ
Dekɛ kaatɛ gulesɛ Baabule kaalegɔ zɛ’an maɣesɛ wuu sɛba n boi yelese’a n pa’asɛ 1 n boi Nɔŋɛ Nɛreba—Ɛ Podɔleba gɔnlɛmlɛm la poan ge bisɛ, ya wan tɛ̃ra kaalegɔ zɛ’ɛsi la. Tiisɛ yamea sɛla n boi kaatɛ la poan ti ya puɣum geele ba yele la
Zamesɛ Tara Vom Somɔ Daarewoo! gɔŋɔ la bɔba ase’a
Bo deo la poan nɛra woo tuunɛ ti ba tɔɣɛ zaseŋɔ yelese’a n boi “Baabule Sokere Lebesego” bii “Baabule Kaalegɔ Zɛ’ɛsi Vuurɛ” bɔberɛ la. Ho wan nyɛ dɛ la jw.org poan zɛ’an n de BAABULE PA’ALEGƆ.

TANSUGERE ZAMESEGƆ:

Maasum ya tansugere zamesegɔ la bɔberɛ ase’a
Maasum yan wan bo lebesego se’em. Bisɛ saŋa la, ya san maasena
Maasum ya yuunse’a ti to wan yuum la
Ti’isɛ ya bisɛ yan wan tɔɣɛ sɛla kpemese mabiisi giila ge ti zamesegɔ la pɔsɛ bii zamesegɔ la san ba’asɛ
Ya se’em san tara tuunɛ tansugere la poan, a ta’an te’ele eŋɛ ti ya bisɛ

NA’AM MƆƆLEGƆ:

Maasum hon wan tɔɣɛ sɛla yire la yire mɔɔlegɔ poan
Maasum ta eŋɛ lebe ta bisɛ
Ti’isɛ ya bisɛ yan wan pɔsɛ sɔsega se’em zɛsɛka woo ti ya bɔna ge eŋɛ pa’alɛ taaba
Sɔsɛ ya yan wan eŋɛ se’em ta’an yalegɛ ya na’am tuuma la Tiirɛ Dia saŋa bii ba san bo ya saŋa ti ya voose ge da wa’an tuuma bii sukuu

YELESE’A N PAKƐ DEODOMA LA:

Eŋɛ ya itipa’alegɔ pa’alɛ yelese’a n de wuu nalɛɣɛrɛ yɛla, zaba lɛka, de’eŋo yɛla la nɛra san daana ya se’em sa’am, yan wan ta’an eŋɛ se’em
Saŋa ase’a, ya ta’an basɛ ti kɔma la eŋɛ viisegɔ yele poan ge nyaa tɔɣɛ pa’alɛ ban nyɛ sɛla la bo yamam dɔɣereba la

YAN WAN TA’AN EŊƐ SƐLA PA’ASƐ:

Bisɛ ya JW Broadcasting^® vidiyo ge sɔsɛ ya de yele
Kaalɛ sɛla bii bisɛ vidiyo jw.org poan ge sɔsɛ ya de yele
Geele ya sɛla n boi “Budibito La Pugeto” bɔberɛ bii “Kɔma” bɔberɛ la. La boi la jw.org BAABULE PA’ALEGƆ zɛ’an la
Sɔsɛ ya yan daa keŋɛ laɣesegɔ la ge zamesɛ sɛla
Bisɛ ya naaŋɔ lɔkɔ bii viisɛ de yele ge nyaa sɔsɛ lan pa’alɛ Yehowa yele se’em
Saŋa ase’a, ya ta’an beem mabia ya deodoma pu’usegɔ poan ge soke en yɛla
Loe ya vo’osum poan tuunɛ ge bisɛ yan wan eŋɛ se’em ta’an tum dɛ
Naɛ ya taaba eŋɛ sɛla. Makerɛ, ya ta’an eŋɛ sɛla ti la ana wuu Noah daka la bii ya dɔreŋɛ fɔɔra n boi to gɔnɔ la poan

Ŋmɛ VIDIYO la zuo n de Basɛ Ti Ho Deodoma Pu’usegɔ Tara Pupeelum ge nyaa soke kɛleseriba la yeti:

Sira wan ta’an eŋɛ la wani basɛ ti a pɔɣa puurɛ pee deodoma pu’usegɔ poan ba san nan ka tara kɔma?

Lebese

8. Tansugere Baabule Zamesegɔ

(Mita 30) bt zuo 13 ¶17-24

Ki’ileŋɔ (Mita 3) | Yuunɛ 123 La Zusega

VOM LA TO NA'AM TUUMA ZAMESEGƆ GƆŊƆ

Vom La Na’am Tuuma Zamesegɔ Maaseŋɔ August 5-11, 2024

Farefare

Vom La Na’am Tuuma Zamesegɔ Maaseŋɔ August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July gɔn. 10-16

Yehowa Sɛɛradoma

August 5-11

YOOMA 70-72

Yuunɛ 59 La Zusega | Pi’ileŋo (Mita 1)

NAAYINƐ TUULUM YƐLA