• Ym. 69:​30, 31—Gulesegɔ ana wa wan soŋɛ to la wani ti to baŋɛ yelese’a ti to wan dekɛ pa’asɛ to zusega poan? (w99 1/15 18 ¶11)

  Lebese

• Bem vo’osum poan yɛla n boi bakwai wa Baabule kaalegɔ la poan ti hon wan bɔta ti ho tɔɣɛ de yele?

  Lebese

January 2009 poan, ba yuun dekɛ Tansugere Baabule Zamesegɔ la pa’asɛ la Theocratic Ministry School la Service Meeting la poan. To yuun nyaa iti bakwai tiŋasuka zamesegɔ la buyina. Wana yuun bo deodoma la yɔ’ɔ ti ba loe dabeserɛ bakwai la poan ita ba deodoma pu’usegɔ. Nɛreba zo’e zo’e puurɛ pee mɛ la maaseŋɔ wa se’ere n sɔi la, la soŋɛ ba mɛ ti ba vurege du Yehowa ge me ana tapilapi la taaba.—Tɛɛ. 6:​6, 7.

Bem naresum yɛla n wan ta’an soŋɛ deo zuodoma ti ba Deodoma Pu’usegɔ la ana soŋa?

• Da vi’ira. La san nara, loe dabese’ere ti ya wan ita deodoma pu’usegɔ la bakwai woo poan. Loe dabeserɛ ayina me ti sɛla san ta gu ti ya ka ta’an eŋɛ yan nari ni ti ya eŋɛ dabese’ere la, ya ta’an eŋɛ

• Maasum. Hon la ho pɔɣa geele yan wan sɔsɛ yelese’a. Saŋa ase’a me, soke ho kɔma ba puti’irɛ n de se’em. Deodoma la san nɔŋɛ ba ita yɛla ase’a tabela, la yele ka pakɛ ti ho dekɛ saŋa zo’e zo’e maasum

• Ŋmɛresɛ sɔsega la ti la soŋɛ deodoma la. Kɔma san zɔ’ɔra, ban ti’iseri yɛla se’em, la ban boti sɛla ni tee mɛ. Sɔsega la nari ti la soŋɛ deodoma la za’a ti ba ana du’a du’a la Yehowa

• Basɛ ti zamesegɔ la tara pupeelum. Saŋa ase’a, ya ta’an yese keŋɛ zɛ’an ti ma’asum bɔna bii zɛ’an n ani soŋa ta zamesɛ. La san nara, ni vo’ose ya fii ge le tɔ̃kɛ. La yele ta’an pakɛ ti ya geele yeledaaŋɔ se’a n paari kɔma la ge la ka nari ti ho dekɛ deodoma pu’usegɔ la kã’ana bii zɛregera ba

• Ya ta’an eŋɛ yɛla ase’a pa’asɛ. Makerɛ, ya ta’an maasum tansugere zamesegɔ bii ya bisɛ vidiyo jw.org poan ge sɔsɛ de yele. Ya me ta’an maasum yan wan tɔɣɛ sɛla na’am mɔɔlegɔ poan. La boi bim ti Deodoma Pu’usegɔ la dela sɔsega ge ya ta’an ni dekɛ saŋa fii ti nɛra woo eŋɛ amea zamesegɔ

Sɔsɛ ya sokere wa:

• Hon tiregɛ la wani tara naresum yɛla wa tuna tuuma ho deodoma pu’usegɔ poan?

  Lebese