Tiirɛ la bo to la yɔ’ɔ ti to ti’isɛ kã sebo ti lua bunɔ la wan basɛ ti to nyɛ beere sa’am, n de wuu kum isigere la. Yehowa ka naam asaaleba ti ba kiira. Bala n sɔi ti to suɔ san ni ki la ni ba’a daam en la. (1Ko 15:26) La yuun daam Yezu la bala, en yuun nyɛ a podɔleba ti ba kɛla Lazarus kum la. (Yon 11:33-35) Yezu n kɔ’ɔn ana wuu a Sɔ la, basɛ ti to tara sakerɛ ti la me daani Yehowa mɛ to suɔ san ni ki ti to kɛla. (Yon 14:7) Yehowa kɔ’ɔn ana la lɛɛ gura tɛm sebo ti a wan ta isige a yamesi sɛba n ki la. Tomam me nari ti to ana la bala mea nɔɔ.—Yob 14:14, 15.

Yehowa Naayinɛ n iti sɛla woo ma’a ma’a la, basɛ ti to tara puti’irɛ ti a wan isige sɛba woo n ki la bala mea nɔɔ. (1Ko 14:33, 40) La wan deni kuunɔ la, la wan tuɣum dɛna la nyɛɛma la pupeelum ti to nyɛ sɛba n isige kum poan la. Hon ti’iseri kum isigeri wa yele taɣesa, yele yele wuu ho san kɛla ho suɔ kum? (2Ko 4:17, 18) Ho pu’usɛ Yehowa la n bo lua bunɔ ge doose Gulesegɔ la poan lilige yɛla pa’alɛ tɔ ti a wan isige sɛba n ki la?—Kol 3:15.

• Ho zɔdoma la ho suurɔ bani ti ho bɔta ti ho le nyɛ ba?

• Baabule poan nɛrebani ti hon bɔta ti ho nyɛ ba ge tɔɣɛ bo ba?