LA YELE N PAKƐ SE’EM: Gɔnɔ 14 ti tuntuna Paul yuun gulesɛ ta kpemese a mabiisi giila la, 1 Korint gɔŋɔ la laɣum pa’asɛ gɔnɔ la poan mɛ. Nɛra san gulesa gɔŋɔ, la ni basɛ ti a mina yetɔɣesebo ti a wan dekɛ tum tuuma ti se’em daana n kaali ku la wan bɔta ti a kaala ku taɣesa. Gɔŋɔ gulesegɔ dela sore sonkɔ ti to wan ta’an dekɛ di sɛɛra bo to suurɔ la to zɔdoma. La me le dɛna la sɛla ti to wan ta’an di sɛɛra bo sɛba ti to ka nyɛta ba tɔɣera bɔ’ɔra ba la. Makerɛ n wana, sɛba boi mɛ bɔta yelemɛŋɛrɛ la ge ti la kpe’em ti to ta’an paɛ ba yire. Basɛba me boi to gingilega la poan kɛ̃’ɛra yɛa a se’a poan ti la ni kpe’em ti to paɛ ba yire bii ba ba’ɛ zaaɛ mɛ. Bem n nari ti la bɔna ho puti’irɛ poan, ho san gulesa bɔ’ɔra nɛra ti ho ka mina?

HO WAN EŊE DE SE’EM:

• Tɔɣɛ wuu hon la eŋa sɔseri me la. Basɛ ti a baŋɛ hon de mina ho pɔsega gulesegɔ la poan ge basɛ ti a baŋɛ sɛla n sɔi ti ho gulesa en la. Ho ta’an soke nɛra la sokere ti a ti’isa de yele ge pa’alɛ en to intanɛt tuuma zɛ’an la. Nyaa yele en to keni nɛreba zɛ’an ti to zamesa Baabule la se’em ge gulesɛ gɔnse’a ti to tara zamesa la zuto pa’alɛ en. Ho ta’an dekɛ to gɔnɔ wuu contact kaatɛ la, to beeŋɔ gɔŋɔ bii gɔnpiɣesi pa’asɛ bim.

• Tɔɣɛ gi’a gi’a. Da basɛ ti ho yetɔɣum la wɔɣɛ la wan eŋɛ se’em ti a bɔta ti a kaalɛ.​—Bisɛ zɛ’an ti ba yeti hon wan gulesɛ se’em la.

• Malum kaalɛ de taɣesɛ bisɛ tuure san bɔna bim, la niɛ peelum bii gilema boi bim. Dekɛ stamp labelɛ gɔŋɔ la.