To tari sɛla ti to nini nyɛta la pa’ala la wan soŋɛ nɛra la ti a ta’an bɔkɛ ge ti a me tɛra eŋa n zamesɛ sɛla la. Yehowa, Pa’alekãtɛ Daana N Gaŋɛ Za’a la, yuun dekɛ la sɛla ti to nyɛta la to nini la pa’ala ninmɔ’ɔrɛ yɛla. (Pin 15:5; Yer 18:1-6) Bala mea ti to Pa’alekãtɛ Daana, Yezu me yuun eŋɛ. (Mt 18:2-6; 22:19-21) Sɛla ayima me ti to nini nyɛta ti la kɔ’ɔn tara nyuurɔ paa yuun ana wa poan dela vidiyo. Hon tari vidiyodoma wa pa’ala ho Baabule zamesegɔdoma?

Ba maalɛ la vidiyodoma pia n wan ta’an soŋɛ tɔ ti to dekɛ Yelesoma N Ze’ele Naayinɛ Ze’an Na! gɔnlɛmlɛm la pa’ala soŋa. Vidiyo woo zuo yele kɔ’ɔn makɛ mɛ la sokese’a ti ba gulesɛ a pɔi pɔi la n boi gɔnlɛmlɛm la poan la. Gɔŋɔ la n boi digital poan la tari la yelse’a n wan ta’an pa’alɛ hɔ sansɛka n nari ti ho ŋmɛ vidiyo woo. Leyɛ’ɛsa, vidiyo ase’a me boi n wan ta’an soŋɛ tɔ ti to dekɛ gɔnse’a n boi to Teaching Toolbox la poan tun tuuma soŋa soŋa.

La kpe’em bo ho Baabule zamesegɔdaana ti a bɔkɛ Baabule yele ti ya sɔsera? Bii ho Baabule zamesegɔdaana la tari la yeledaaŋɔ? Keŋɛ jw.org® la JW Broadcasting® ta ɛ vidiyo sɛka n wan soŋɛ en. Daanse’ere hon la ho Baabule zamesegɔdaana la ta’an laɣum bisɛ vidiyo la ge sɔsɛ de yele.

Ŋmarega woo, ba yeseri vidiyo paala mɛ. Ho san bisa vidiyodoma wa, ti’isɛ bisɛ hon wan eŋɛ se’em ta’an dekɛ soŋɛ basɛba.