Yezu ki’i Azootole malema la yuun yeti la bɔna la de to’ore. Eŋa n yuun pɔ̃ri a kum la zuo, a yuun eŋɛ la maaseŋɔ ti a naɛ la a podɔleba ti ba di Azootole malema la ge nyaa tee dekɛ Daana Zaanɔɔrɛ Dia la ze’ele. Bala la, a yuun tum la Peter la Yon ti ba keŋɛ ta maasum bɔ’ɔ la. (Lu 22:7-13; bisɛ gɔŋɔ wa foote.) Wana wa tiɛ to la, la nari ti to maasum se’em gura Tiirɛ Dia la ti to wan eŋɛ March 27 la. Bala la, tansuga la biseri la ba wan eŋɛ se’em ta’an nyɛ daam la boroboro ge loe se’em n wan bo yetɔɣum la, la yɛla ase’a me. Bala la tomam ayima ayima woo wan eŋɛ la wani maasum tomea gura Tiirɛ Dia la?

Maasum ho suure. Kaalɛ ge ti’isɛ taɣesɛ Tiirɛ Dia Baabule kaalegɔ la. Maasum kuna wa boi la Examining the Scriptures Daily la poan. New World Translation of the Holy Scriptures Appendix B12 la me tɔɣɛ la yɛla zo’e zo’e pa’asɛ. (Le bisɛ April 2020 Vom La Na’am Tuuma Zamesegɔ Gɔŋɔ la.) Deodoma san bisɛ Watch Tower Publications Index bii Research Guide for Jehovah’s Witnesses la poan, ba wan nyɛ yɛla zo’e zo’e ti ba wan ta’an dekɛ eŋɛ ba deodoma pu’usegɔ baŋɛ lua bunɔ la yele n pakɛ se’em.

Beem nɛreba ti ba wa’ana. Laɣum dekɛ homea kɛ̃’ɛsɛ na’am mɔɔlegɔ tuuma la poan tɔ̃rɛ beeŋo gɔnɔ la. Ti’isɛ sɛba ti ho wan beem ba, n de wuu sɛba ti ho tabelɛ tɔɣɛ bo ba, sɛba n daa de ho Baabule zamesegɔdoma, sɛba ti ho mina la ho suurɔ. Keendoma me nari ti ba beem sɛba n ma’ɛ la. Tɛra ti nɛra la san ka bɔna ho gingilega la poan, ho wan nyaŋɛ pa’alɛ en zɛ’an la tɛm sebo ti ba wan eŋɛ Tiirɛ Dia la a gingilega la poan ho san di’e TO YƐLA n boi jw.org poan pɔsega zɛ’an, saazuo bɔba la ge nyaa di’e “Tiirɛ.”

Bem leyɛ’ɛsa ti ho wan eŋɛ ta’an maasum?