Gurebisɛ san paɛ tɔ, la ni basɛ ti to giila n kɔ’ɔsɛ, yele yele wuu la san yuura. David yuun mi ti daaŋɔ la za’a ti Naba Saul ta’asɛ la wan ba’asɛ ge ti a me wan dɛna naba wuu Yehowa n yele se’em la. (1Sa 16:13) Sakerɛ n yuun soŋɛ David ti a ma’ɛ amea gura Yehowa.

Gurebisɛ san paɛ tɔ, to ti’isɛ bɔkɛ yele la soŋa ge dekɛ yɛm la mi’ilum tum tuuma ti yele la maalɛ. (1Sa 21:12-14; Mag 1:4) To ta’an mɔ to mɔa za’a dekɛ Baabule naresum yɛla tum tuuma ge daaŋɔ ase’a wan kelum bɔna. La san ana to bala, la nari ti to ma’ɛ tomea gura Yehowa. La kan yue a wan yese to namesego la woo basɛ ge ‘duuse nɛra woo nintam’ a nini poan basɛ. (Lil 21:4) La dela Yehowa n soŋɛ tɔ yele la poan bii yelese’ere woo, to mi sɛla dela: Gurebisɛ woo tari de ba’asegɔ mɛ. Bala wan ta’an buɣelɛ to suure.

BISƐ VIDIYO LA ZUO N DE NƐREBA WELESERI LA TAABA TI NAAYINƐ NƐREBA ME TARA NƆYINƐ GE NYAA LEBESE SOKERE ANA WA:

• Bem daaŋɔ n yuun paɛ Kristakɔma basɛba n boi United States tiŋanɔɔrɛ bɔba la?

• Ba yuun eŋɛ la wani ta’an nyɔkɛ bamea ge me tara nɔŋerɛ?

• Ba yuun eŋɛ la wani basɛ ti ba puti’irɛ bɔna ‘ninmɔ’ɔrɛ yɛla la’ poan?​—Flp 1:10