Zɔ dela “mina n ani tapilapi la nɛra ti a nɔŋɛ ge tara gilema bɔ’ɔra en.” Makerɛ, David n yuun ku Goliat la, eŋa la Yonatan yuun nyɔɣɛ la zɔtɔ ti la kpe’em. (1Sa 18:1) Ba yuun tari la halese’a n basɛ ti ba nɔŋɛ taaba. Nɛreba san mina taaba soŋa soŋa bala n wan ta’an basɛ ti ba zɔtɔ nyɔka la kpe’em. La dela ho tiregɛ ta’an baŋɛ nɛra la soŋa soŋa. Ge social network poan, la dela naana ti nɛreba ta’an nyɔɣera zɔtɔ. Nɛreba n wan ta’an maasum ba wan yele sɛla ge me bɔta nɛreba mina ba se’em intanɛt poan la zuo, la dela naana ti ba ta’an suɣɛ ba de nɛresɛba. Bala la, la nari ti ho bisɛ homea soŋa la ho ‘nyɔɣeri zɔtɔ se’em’ intanɛt poan. Nɛreba ti ho ka mina san bɔta ti ho dɛna ba zɔ intanɛt poan, da zɔ dabeem ge ti’isa ti ho san zaɣesɛ ho wan sa’am ba suure. Nɛreba basɛba n mi dɛŋa n boi bim se’em la, kɔ’ɛ ba puti’irɛ ti ba kan tara social networks tuna tuuma. Ge ho san bɔta ti ho tara social network tuna tuuma, bem ti la nara ti ho mina?

BISƐ VIDIYO LA ZUO N DE MINA HON WAN LƆƔESA HOMEA SE’EM INTANƐT TUUMA ZƐ’AN GE NYAA LEBESE SOKERE ANA WA:

• Bem ti la nara ti ho geele bisɛ ge nyaa dekɛ fɔɔra bii gulesɛ sɛla biŋe bim?

• Beni n sɔi ti la nara ti ho bisɛ homea soŋa la hon nyɔɣeri zɔtɔ se’em intanɛt poan la?

• Beni n sɔi ti la nara ti ho maɣesa ho tɛm ti ho tara bɔna social network poan se’em la?​—Ep 5:15, 16