David n yuun dekɛ amea delum Yehowa la n sɔi ti a zabɛ nyaŋɛ Goliat. (1Sa 17:45) Yehowa boti a dekɛ a paŋa la zabɛ po’e la a yamesi woo. (2Ye 16:9) To wan eŋɛ la wani dekɛ tomea delum Yehowa ti a soŋera tɔ ge kan ti’isa to mi sɛla la to paŋa? Sarɔtɔ totã n wana:

• Zusa tabela. Da yeen zusa ɛɛra ti Naayinɛ di ho be’em sugeri bo ho ge zusa ɛɛra paŋa ti ho ta’an ŋmibe ze’ele gurebisɛ poan. (Mt 6:12, 13) Da yeen zusa ɛɛra ti Yehowa kã bo ho putɛsɛka ti ho puɣum deŋɛ kɔ’ɛ la poan ma’a ge zusa ɛɛra yɛm la mi’ilum ta’an ni kɔ’ɛ ho puti’irɛ soŋa yɛla poan.​—Yam 1:5

• Kaala ge zamesa Baabule la daarewoo. Kaala Baabule la daarewoo. (Ym 1:2) Ti’isa Baabule poan nɛreba yɛla taɣesa ge me tara sɛla ti ho zamesa la tuna tuuma. (Yam 1:23-25) Ni maasum soŋa keŋɛ na’am mɔɔlegɔ ge da tara homea mi’ilum tuna tuuma. Ni te’ele maasum soŋa ge keŋɛ tansugere zamesegɔ la wan eŋɛ se’em ti ho ta’an nyɛ de nyuurɔ

• Kɔ’ɔn nana Yehowa tigere la pa’alegɔ. Kɔ’ɔn tɛra tigere la pa’alegɔ yɛla la ge ni eŋɛ kalam dekɛ a tum tuuma. (Kan 9:17) Ni kɛlesa keendoma kã’aŋɔ la ba pa’alegɔ.​—Heb 13:17

BISƐ VIDIYO LA ZUO N DE LA KA NARI TI TO TARA DABEEM LA YAARƐ GE NYAA LEBESE SOKERE ANA WA:

• Bem n daa basɛ ti mabiisi la tara dabeem?

• Bem n daa soŋɛ ba ti ba ka le tara dabeem?