Nɛresɛba n tari sarum soŋɔ ma’a n wan ta’an tara bunsoŋa la Yehowa. (1Pe 1:14-16) Baabule zamesegɔdoma san nyaŋɛ basɛ sarum be’ero, ba wan tara imma’asum, kan sa’ana ligeri ge ti ba deodoma me wan tara pupeelum.

Basɛ ti a baŋɛ Yehowa sareŋɔ pa’alegɔ la vuurɛ, sɛla n sɔi ti a bɔ’ɔra tɔ pa’alegɔ la, la to wan nyɛ nyuurɔ se’em to san dɔla a. Soŋɛ ho Baabule zamesegɔdoma ti ba basɛ ti ba puti’irɛ makɛ la sɛla ti Naayinɛ bɔta, bala wan soŋɛ ba ti ba tara ba zameseri sɛla la tuna tuuma. (Ep 4:22-24) Kpemese ba giila ti ba mina ti Yehowa wan soŋɛ ba ti ba ta’an basɛ halebe’o la n nyɛ nyɛɣerɛ ba suuren la. (Flp 4:13) Pa’alɛ ba ti ba ni zusɛ la san ta mɔbegera ba ti ba bɔta ti ba eŋɛ sɛla n ka ani soŋa. Soŋɛ ba ti ba baŋɛ yelese’a n wan ta’an dɛna bɛ̃regɔ bɔ’ɔra ba, ti la nara ti ba gu bamea. Kpemese ba giila ti ba dekɛ halebe’ero la basɛ ge tee yelese’a n ani soŋa. To san ni nyɛ Yehowa n soŋɛ to Baabule zamesegɔdoma ti ba eŋɛ teere se’em la, to puurɛ ni pee mɛ.

BISƐ ITIPA’ALEGƆ VIDIYO LA ZUO N DE SOŊƐ HO BAABULE ZAMESEGƆDOMA TI BA BASƐ HALEBE’ERO GE NYAA LEBESE SOKERE ANA:

• Keendoma la, la Nbo eŋɛ la wani pa’alɛ ti ba tɔresɛ Apuo mɛ?

• Nbo eŋɛ la bem pa’asɛ soŋɛ Apuo?

• Apuo eŋɛ la wani ee Yehowa soŋerɛ?