TO BƆNA WUU KRISTAKƆMA
Hon Wan Dekɛ Baabule Zamesegɔ Vidiyodoma La Tum Tuuma Se’em
To tari la Baabule zamesegɔ vidiyodoma banaasi tuna tuuma na’am mɔɔlegɔ poan. Beni n sɔi ti ba maalɛ vidiyodoma wa?
-
Ba maalɛ Bem Zuo Ti La Nara Ti Ho Zamesɛ Baabule La?—Ku Za’a vidiyo la ti la soŋɛ nɛreba ti ba puurɛ pee la Baabule la zamesegɔ. La wan soŋɛ ba ti ba nyɛ zi’irego poan sokese’a n pakɛ paa lebesego Baabule la poan ge me nyɛ lebesego la gi’a gi’a bim. La me le pa’alɛ la hon wan eŋɛ se’em nyɛ nɛra ti a zamesɛ hɔ Baabule la.
-
Bem Zuo Ti La Nara Ti Ho Zamesɛ Baabule La? (ase’a) vidiyo la ani wuu ku za’a denɛ la ge dena dela gi’a gi’a. Vidiyo wa ta’an soŋɛ nɛresɛba n boi to gingilega la poan ka ba’ɛ tara nɛŋa la.
-
Ba maalɛ To Baabule Zamesegɔ Ani La Wani? vidiyo la ti la soŋɛ nɛreba ti ba puurɛ pee la to zaŋa Baabule zamesegɔ la ge soŋɛ ba ti ba nyɛ sokese’a ti ba tara la lebesego. La me le pa’alɛ la hon wan eŋɛ se’em nyɛ nɛra ti a zamesɛ hɔ Baabule la.
-
Ba maalɛ Ho Baabule Zamesegɔ vidiyo la ti la soŋɛ Baabule zamesegɔdoma. La boi bim ti vidiyo la boi la Tara Vom Somɔ Daarewoo! gɔŋɔ la gɔnlaka buyi poan ge ho wan ta’an dekɛ pa’alɛ nɛra la ya san yeti ya pɔsɛ zamesɛ Tara Vom Somɔ Daarewoo! gɔnlɛmlɛm la. Vidiyo la pa’alɛ la to wan zamesɛ sɛla gɔŋɔ la poan ge me basɛ ti zamesegɔdaana la mina eŋa n wan zamesɛ sɛla.
La boi bim ti ba maalɛ vidiyo woo la de tuunɛ n de se’em ge ho ta’an dekɛ pa’alɛ bii dekɛ bo nɛra sansɛka n nari poan. Na’am mɔɔlegɔdoma nari ti ba mina ba wan ta’an tara vidiyodoma wa tuna tuuma se’em na’am mɔɔlegɔ poan.
