TO BƆNA WUU KRISTAKƆMA
To Wan Eŋɛ Se’em Ta’an Soŋɛ Yeledi’ire Saŋa
Yeledi’ima kɔ’ɔn bɔna zɛ’an woo mɛ dabesa ana wa. Yeledi’ire san ni sige, ba ni tigerɛ mɛ maasum yɛla, la wan eŋɛ se’em ti ba ta’an soŋɛ to mabiisi la. Wana wa zuo la, Tigere Zuo Bisegadoma la eŋɛ la maaseŋɔ ti Yeledi’ire Soŋerɛ Wele bɔna tigere yile woo poan.
Mabiisi la n tuni wele wa poan la san ni ta baŋɛ ti yeledi’ire n sige, ba ni eŋɛ la kalam sɔsɛ la keendoma la ti ba baŋɛ ba wan ta’an soŋɛ to mabiisi la se’em. Yeledi’ire la san ni ta gaŋɛ nu’usi ti mabiisi la mea kan ta’an maalɛ dɛ, tigere yile la ni loe la mabiisi n kumesɛ ti ba bisɛ yeledi’ire soŋerɛ tuuma la. Mabiisi wa ta’an ɛɛra mabiisi basɛba ti ba soŋɛ ba, bii ba ta’an ɛɛra lɔɣɔrɔ ase’a ti ba dekɛ soŋɛ mabiisi la bii ba ta’an da lɔɣɔrɔ n boi gingilega sɛka ti yeledi’ire la sige la dekɛ soŋɛ mabiisi la.
Nyũurɔ zo’e zo’e boi bim mɛ ba san ni eŋɛ wana. Wana wa ni basɛ ti tuuma la kena la soŋa ti to ka sa’ana ligeri la lɔɣɔrɔ. Ge mabia woo san ita eŋa n boti sɛla, la ni basɛ ti tuuma la ka kena soŋa.
Tigere yile la n loe mabiisi sɛba la wan ta’an baŋɛ ban eeri ligeri se’em la nɛreba se’em ti ba soŋɛ yeledi’ire soŋerɛ tuuma la. Ba wan ta’an sɔsɛ la tiŋa la kpɛ’ɛndoma la ti la basɛ ti yeledi’ire soŋerɛ tuuma la keŋɛ soŋa. Bala la, ba san ka loe ho ti ho tum tuunɛ, da isige homea ɛɛra laɣesa ligeri bii tara yeledi’ire soŋerɛ lɔɣɔrɔ tɔ̃ta bii ho keŋɛ zɛsɛka ti yeledi’ire la sige la.
To ni kelum bɔta ti to soŋɛ mɛ yeledi’ire san sige. (Heb 13:16) Se’ere n sɔi la to nɔŋɛ to mabiisi la mɛ! Bala la, to wan ta’an eŋɛ la bem? Yelese’ere n de ninmɔ’ɔrɛ ti to wan ta’an eŋɛ dela to zusa bɔ’ɔra sɛba ti yeledi’ire la paɛ ba, la mabiisi sɛba n soŋeri yeledi’ire soŋerɛ tuuma la. To me ta’an dekɛ ligeri soŋɛ tingole wa za’a na’am tuuma la. Tigere Zuo Bisegadoma la n wan pa’alɛ tigere yila la ti ba mina ba wan dekɛ ligeri wa tum tuuma se’em ti la ana soŋa. To me san bɔta ti to tum tuuma wa, to ta’an gulesɛ Local Design/Construction Volunteer Application (DC-50) gɔŋɔ la ti la pa’alɛ ti to boti la to soŋɛ tuuma wa.
BISƐ VIDIYO LA ZUO N DE KO’OM N DI SA’AM BRAZIL GE NYAA LEBESE SOKERE WA:
Bem n basɛ ti hon puurɛ pee la Yehowa Sɛɛradoma n yuun soŋɛ nɛreba se’em Brazil, se’em ma’a ti ko’om yuun di sa’am tiŋa la yuun 2020 poan la?
