April 1-7
YOOMA 23-25
Yuunɛ 4 La Zusega | Pi’ileŋo (Mita 1)
1. ‘Yehowa N De Mam Dunkeena’
(Mita 10)
Yehowa pa’ali to mɛ (Ym 23:1-3; mwbr24.03 5 ¶5)
Yehowa te’eli to mɛ (Ym 23:4; mwbr24.03 6 ¶1)
Yehowa diiseri to mɛ (Ym 23:5; mwbr24.03 6 ¶2)
Yehowa biseri a yamesi mɛ soŋa wuu dunkeena n nɔŋɛ a piisi ge bisa ba soŋa se’em la.
SOKE HOMEA YETI, ‘Sodeni poan ti Yehowa eŋɛ pa’alɛ ti a fabeli mam yele?’
2. Vo’osum Poan Yɛla
(Mita 10)
-
Ym 23:3—Bem n de ‘tontɔɔ sarɔtɔ la’ ge bem n wan soŋɛ tɔ ti to kelum kena a poan? (mwbr24.03 6 ¶3-5)
-
Bem vo’osum poan yɛla n boi bakwai wa Baabule kaalegɔ la poan ti hon wan bɔta ti ho tɔɣɛ de yele?
3. Baabule Kaalegɔ
(Mita 4) Ym 23:1–24:10 (th zaseŋɔ 5)
4. Pɔsɛ Sɔsega
(Mita 3) MƆƆLA ZƐSƐKA WOO TI HO BƆNA. Kaalɛ giilekpeŋere yele Baabule la poan bo nɛra n fabeli tinparɛ wa n sa’ani se’em la yele. (lmd zaseŋɔ 2 yelezure 5)
5. Lebe Ta Bisɛ
(Mita 4) YIRE LA YIRE. Lebe ta bisɛ nɛra n sakɛ to’e Tara Vom Somɔ Daarewoo! gɔnlɛmlɛm la ge nyaa eŋɛ Baabule zamesegɔ. (lmd zaseŋɔ 9 yelezure 3)
6. Ɛɛra Podɔleba
(Mita 5) lff zaseŋɔ 14 yelezure 4 (lmd zaseŋɔ 11 yelezure 3)
Yuunɛ 54
7. To Ka Keleseri Saama Kɔ̃ɔsi
(Mita 15) Sɔsega.
Piisi mi ba daana kɔ̃a mɛ ge me ni dɔla en. Ge nɛra ti ba ka mina san yi’ira ba, ba ni zɔ mɛ nɛra la zɛ’an. (Yon 10:5) Tomam me keleseri la to vo’osum poan Dunkeema n de Yehowa la Yezu kɔ̃ɔsi, se’ere n sɔi la ba nɔŋɛ to mɛ. (Ym 23:1; Yon 10:11) Ge to ka keleseri nɛresɛba n tɔɣeri ‘pumpɔreŋɔ yɛla’ ti ba ta’an basɛ ti to sakerɛ la ma’ɛ la.—2Pe 2:1, 3.
Pin’ileŋɔ a zuo butã pa’alɛ la se’em ma’a ti nɛra wum saana kɔ̃a yia tingɔŋɔ wa zuo. Sitaana yuun doose la bunsɛla poan tɔɣɛ bo Hawa, la wan eŋɛ se’em ti Hawa kan baŋɛ mina n sirum tɔɣeri bɔ’ɔra en. Sitaana yuun eŋɛ wuu dela Hawa zɔ la ge parum ti Yehowa dela pumpɔrema n tari putɛbe’o dɔla ba. Nimbãalega la dela Hawa yuun kelese mɛ, ti bala yuun basɛ ti wuŋerɛ paɛ eŋa la a yidoma za’a.
Sitaana basɛ mɛ ti nɛreba parena yɛla bɔ’ɔra Yehowa, la a tigere la. Sɛla n sɔi ti a ita bala dela a ta’an basɛ ti to tara puti’ira ayi ayi. To san wum nɛreba wa kɔ̃a, la dela to zɔ ba zɛ’an! To san puɣum yeti to yeen kelese fii wa, la wan dɛna dɛŋa bɔ’ɔra tɔ. Tɛ̃ra ti Sitaana yuun tɔɣɛ la sɛla wana fii nyaŋɛ pã’asɛ Hawa. (Pin 3:1, 4, 5) Ge nɛra n nɔŋɛ tɔ ge me tara putɛsonɛ san bɔta ti a yele to yɛla ti nɛreba parena bɔ’ɔra Yehowa tigere la, to wan eŋɛ la wani?
Ŋmɛ VIDIYO la zuo n de Zaɣesɛ ‘Saama Kɔ̃ɔsi’ ge nyaa soke kɛleseriba la yeti:
Hon zamesɛ la bem la Apuo n eŋɛ ni se’em, se’em ma’a ti a ma n daɣɛ Sɛɛradaana bɔta ti a yele en yɛla ti nɛreba parena bɔ’ɔra Yehowa Sɛɛradoma la?
8. Tansugere Baabule Zamesegɔ
(Mita 30) bt zuo 8 ¶1-4, daɣesi la n boi gɔn. 61-62
