To san yeti to lebe ta bisɛ nɛra bii to eŋɛ Baabule zamesegɔ, la nari ti to soŋɛ to kɛleseriba la ti ba bɔkɛ yelekpina la soŋa. To san tara maɣesa pa’ala yelekpina la, to pa’alegɔ la wan kɛ̃ ba suure ti la me wan dɛna naana bɔ’ɔra ba ti ba tɛra.

Ho san maasena ti ho lebe ta bisɛ nɛra bii ho eŋɛ Baabule zamesegɔ, loe yelekpina se’a ti ho wan bɔta ti ho dekɛ tum tuuma ti yele la niɛ peelum. Nyaa dekɛ maɣesa se’a n wan dɛna naana ti nɛreba ta’an bɔkɛ. (Mt 5:14-16; Mr 2:21; Lu 14:7-11) Tɛra ho kɛleseriba la bɔŋa la ba tuuma n ani se’em. (Lu 5:2-11; Yon 4:7-15) A san bɔkɛ yele la ti a puurɛ pee bala wan basɛ ti hon me puurɛ pee.

BISƐ ITIPA’ALEGƆ VIDIYO LA ZUO N DE TARA PUPEELUM PODƆLEBA EERE LA POAN​—KUMESƐ HOMEA​—TARA MAƔESA PA’ALA YELEKPINA LA GE NYAA LEBESE SOKERE ANA WA:

• Beni n sɔi ti la nara ti to soŋɛ to Baabule zamesegɔdoma ti ba bɔkɛ Baabule kaalegɔ zɛ’ɛsi soŋa?

• Nbo dekɛ makerɛ tum tuuma la wani ti yelekpine la n boi Arom 5:12 la niɛ peelum?

• Maɣesa n ani soŋa wan ta’an soŋɛ to kɛleseriba la wani?

• Beni n sɔi ti la nara ti to tara vidiyodoma la pa’alegɔ lɔɣɔrɔ ase’a ti Yehowa tigere la maalɛ la tuna tuuma na’am mɔɔlegɔ poan?