To ka di mi’a la zuo, la nari ti to kɔ’ɔn tiregera ta’an nyɔkera tomea konkoma’asum yɛla poan. To san basɛ ti to konkoma’asum sɔna tɔ, Yehowa puurɛ kan pee la tɔ. Makerɛ, nɛreba basɛba basɛ ti dia, lɔɣɔyɛɛtɔ la kɛ̃’a zɛ’an yele n pakɛ ba gana la nari ba nɔŋɛ Naayinɛ se’em la. Basɛba me ka buke Naayinɛ pa’alegɔ la ge ita la ba konkoma’asum n boti sɛla ga’aregɔ yɛla poan. (Arom 1:26, 27) Leyɛ’ɛsa, nɛreba basɛba me ni basɛ ti ba tadaandoma pɛregerɛ ba ti ba sakɛ mɛ la ba ka boti ba zɛregɛ ba la zuo.​—Yɛh 23:2.

To wan ta’an nyɔkera tomea konkoma’asum yɛla poan la wani? La nari ti to kɔ’ɔn basɛ ti to puti’irɛ bɔna vo’osum yɛla poan. (Mt 4:4) Leyɛ’ɛsa, la nari ti to zusɛ Yehowa ti a soŋɛ tɔ ti to ta’an nyɔkera tomea. Bem zuo? Sɛla n sɔi la eŋa n mi sɛla n wan soŋɛ tɔ ge me wan bo to sɛla n pakɛ tɔ.​—Ym 145:16.

BISƐ VIDIYO LA ZUO N DE DA BASƐ TI SIGAARI SƆNA HƆ GE NYAA LEBESE SOKERE ANA WA:

• Beni n sɔi ti nɛreba basɛba nyuura sigaari?

• Sigaari nyua wan ta’an eŋɛ ho la bem?

• Beni n sɔi ti sigaari nyua la fɛɣesegɔ dɛna be’em?​—2Ko 7:1

• Ho wan eŋɛ la wani zaɣesɛ sigaari nyua bii basɛ halebe’o wa?