Yezu yuun tari la yelese’a n iti pa’ala nɛreba na’am mɔɔlegɔ poan. (Lu 13:1-5) Ho me ta’an dekɛ yelese’a n iti tum tuuma ti Na’am yelesum la kɛ̃ nɛreba suure. Hon la nɛra san sɔsa lɔɣɔrɔ n eŋɛ ligeri se’em, yeledi’ima, zaberɛ, tiyooro nyua bii yele aŋa taaba yele, ho ta’an soke en sɛla n wan basɛ ti a ti’isɛ. Ho ta’an soke en yeti: “Hon ti’isɛ ti . . .  wan malum tole?” bii “Hon ti’isɛ ti bem n wan ta’an basɛ ti. . .  kan le bɔna?” Ge nyaa kaalɛ Baabule gulesegɔ n tɔɣeri de yele. Nɛra la san bɔta sɔsega la, dekɛ vidiyo bii gɔŋɔ n boi to Pa’alegɔ Lɔɣɔrɔ Daka la poan pa’alɛ en. To tiregeri ti to basɛ ti yelesum la kɛ̃ nɛreba suure to gingilega la poan la, basɛ ya ti to ita “sɛla woo la yelesoma la zuo.”​—1Ko 9:22, 23.

Bem yɛla ti ho gingilega la poan nɛreba suure kɛ̃ a?