Bem n de kɔ̃a Baabule kaalegɔ la? Kɔ̃a Baabule kaalegɔ la dela New World Translation ti ba malum demese ku la ti ba rekɔɔdɛ. Yele deyima n basɛ ti kɔ̃a Baabule kaalegɔ la ana soŋa dela, Baabule poan nɛra woo kɔ̃a boi la de to’ore. Ban kaalɛ ku se’em la basɛ ti to baŋɛ lan ani nɛreba la se’em mɛ. Bala basɛ ti Baabule yelesum la niɛ la peelumi.

Nɛreba nyɛti nyuurɔ la wani kɔ̃a Baabule kaalegɔ la poan? Nɛresɛba n keleseri kɔ̃a Baabule la nɔŋɛ ku mɛ se’ere n sɔi la ku basɛ ti Naayinɛ Yelesum la kɛ̃’ɛra la suure. Baabule poan nɛra woo kɔ̃a n boi de to’ore la ni soŋɛ ba mɛ ti ba nyaŋɛ ŋmaɛ yele la foote ba puti’irɛ poan, ta’an bɔkɛ Baabule la soŋa. (Mag 4:5) Nɛreba zo’e zo’e baŋɛ ti ba san kɛlesa kɔ̃a Baabule la, la ni buɣelɛ ba suure mɛ.​—Ym 94:19.

To san kɛlesa kɔ̃a Baabule kaalegɔ la, la wan soŋɛ to mɛ paa. (2Ye 34:19-21) Kɔ̃a Baabule la san bɔna yetɔɣum ti ho wuna poan, ho wan ta’an tiregɛ kɛlesa ku saŋa woo?

BISƐ VIDIYO LA ZUO N DE BAN MAALƐ KƆ̃A BAABULE LA SE’EM​—ASE’A GE NYAA LEBESE SOKERE WA:

Bem n kɛ̃ ho suure la ban maalɛ kɔ̃a Baabule la se’em la?