LA YELE N PAKƐ SE’EM: Telefon poan sɛɛra dia dela sore sonɛ ti to wan ta’an ‘mɔɔlɛ yelesoma la nima nima.’ (Tm 20:24) * La soŋeri to mɛ ti to ta’an dita sɛɛra bɔ’ɔra sɛba n ka sakeri ti to kɛ̃’ɛra ba yɛa poan la.

TO WAN EŊƐ DE SE’EM:

• Maasum. Loe yele n kɛ̃’ɛri suure. Nyaa maasum hon boti ho tɔɣɛ sɛla. Ho ta’an maasum sɔsega la gi’a gi’a ho san yi nɛra ka nyɛ en ge ti la dɛna ti ho rekɔɔdɛ ho yetɔɣum la basɛ en. La wan ana soŋa ti ho zi’ire teebule zuo la ho gɔŋɔ ge tara lɔɣɔse’a ti ho wan dekɛ tum tuuma n de wuu elektronik lɔkɔ ge yu’ɛ JW Library^® bii jw.org^®

• Ma’ɛ homea. Tɔɣera wuu hon ni puɣum tɔɣera se’em la. Ni la mɔsi bii ho lɔbera ho nu’usi wuu ho zĩ mɛ la en la. Da ba’ɛ su’usa zɔ’ɔra. La wan ana soŋa ti ho naɛ la basɛba tuna. Nɛra la san soke sɛla, le malum taɣesɛ sokere la kpe’eŋo kpe’eŋo ti ho soŋera la wum ta’an soŋɛ hɔ ti ya ɛ sokere la lebesego

• Tɔɣɛ sɛla n wan basɛ ti ho ta’an eŋɛ lebe ta bisɛ. Nɛra la san eŋɛ pa’alɛ ti a boti sɔsega la, ho ta’an dekɛ sokere basɛ en. Ho me ta’an le doose e-mail poan dekɛ gɔŋɔ bo en bii homea ta’an tari gɔŋɔ ta bo en. Leyɛ’ɛsa, ho ta’an tɛɣesɛ en bii ho dekɛ to vidiyodoma la ayima bii zaseŋɔ yele doose e-mail poan bo en. Ho san bisɛ ti la nari, ho ta’an tɔɣɛ Online Bible Study Lessons bii yelese’a n boi to intanɛt tuuma zɛ’an la yele pa’alɛ en.