Baabule zamesegɔdoma san bɔta ti ba baŋɛ Yehowa soŋa ge me bĩ vo’osum poan, la nari ti ba zamesɛ yɛla pa’asɛ gana to yeen pa’ala ba sɛla la. (Mt 5:3; Heb 5:12–6:2) La nari ti ba mina ba wan ita bamea zamesegɔ se’em.

Kɔ’ɔn pɔsɛ pa’alɛ ho Baabule zamesegɔdoma la ba wan maasum se’em ge ti ya nyaa zamesɛ ge me kpemese ba giila ti ba ita bala. (mwb18.03-E 6) Kpemese ba giila ti ba ni zusɛ ge nyaa zamesɛ. Soŋɛ ba ti ba nyɛta viisegɔ lɔɣɔrɔ ge me ta’an tara a tuna tuuma. Pa’alɛ ba, ba wan ita se’em ta’an nyɛta yelepaala jw.org la JW Broadcasting^® poan. Pa’ala ba fii fii ti ba ta’an kaala Baabule la daarewoo, ni te’ele maasum tansugere zamesegɔ yɛla ge me soŋɛ ba ti ba ni eŋɛ viisegɔ ta’an nyɛ sokese’a ti ba tara la lebesego. Soŋɛ ba ti ba ti’isa taɣesa ba zameseri sɛla la yele.

BISƐ ITIPA’ALEGƆ VIDIYO LA ZUO N DE SOŊƐ HO BAABULE ZAMESEGƆDOMA TI BA ITA BAMEA ZAMESEGƆ GE NYAA LEBESE SOKERE ANA WA:

• Nbo eŋɛ la wani soŋɛ Apuo ti a baŋɛ ti zamesegɔ yeen daɣɛ la ho eeri lebesego la ma’a?

• Bem n soŋɛ Apuo ti a sakɛ ti Yehowa tara sore ti a yaɛ yalumtuuma?

• Apuo bɔkɛ ti a san ti’isa taɣesa, la wan soŋɛ en la wani?