Na’am mɔɔlegɔ sɔsega ani wuu tansugere zamesegɔ la. Ku dela bo’olum n ze’ele Yehowa zɛ’an na soŋera tɔ ti to kpɛmesa taaba giila ta’an tara nɔŋerɛ la tuunsoma. (Heb 10:24, 25) Sɔsega la nari ti la dɛna la mita anuu ta paɛ mita ayopɔi, ti ho nyaŋɛ dekɛ maasum mabiisi la, tɔ̃rɛ samanɛ la ge me zusɛ. (Ya san pɔŋɛ zamesegɔ ge nyaa ita na’am mɔɔlegɔ sɔsega la, la nari ti la ana gi’a gi’a.) Se’em n biseri na’am mɔɔlegɔ sɔsega la nari ti a tɔɣɛ sɛla n wan soŋɛ sɛba n ye na’am mɔɔlegɔ dadendaarɛ la. Makerɛ, nɛreba zo’e zo’e n ni bɔta ti ba keŋɛ na’am mɔɔlegɔ Asibidaarɛ la ni keŋɛ na’am mɔɔlegɔ ti la yue mɛ, bala la, la wan ana soŋa ti ho yeen pa’alɛ ba wan ta’an tɔɣɛ sɛla. Bem yɛla ti to wan ta’an sɔsɛ ti la soŋɛ tɔ?

• Na’am mɔɔlegɔ sɔsega la n boi Tomam Kristakɔma Vom La To Na’am Tuuma​—Zamesegɔ Gɔŋɔ la poan

• Hon wan eŋɛ se’em ta’an dekɛ yelesaanɛ pɔsɛ sɔsega

• Hon wan eŋɛ se’em ta’an tɔɣɛ bo se’em n ka boti a kelese

• Hon wan eŋɛ se’em ta’an tɔɣɛ bo nɛra n ka sakɛ ti Naayinɛ boi, mina n sakɛ bo lebege lebege yɛla, mina n tɔɣeri yetɔɣum busebo bii mina n keni pu’usegɔ n ka boi ya gingilega la poan

• Hon wan eŋɛ se’em ta’an dekɛ yelese’a n boi jw.org intanɛt tuuma zɛ’an, JW Library^® app bii Baabule la tum tuuma

• Hon wan eŋɛ se’em ta’an dekɛ yelese’a n boi to Pa’alegɔ Lɔɣɔrɔ Daka la poan tum tuuma

• Hon wan eŋɛ se’em ta’an tuna na’am mɔɔlegɔ tuuma la bɔba ase’a maɣesɛ wuu telefon poan sɛɛra dia, gɔnɔ gulesegɔ, nɛrekuuŋɔ zɛ’an sɛɛra dia, lebe ta bisɛ bii Baabule zamesegɔ

• Tiɛ mabiisi la ti ba bisa bamea soŋa, tana tɛɛra ba sɔsega, tana bamea tara, tara putɛsonɛ na’am mɔɔlegɔ poan bii yɛla ase’a

• Zaseŋɔ yele bii vidiyo n boi Tiregɛ Zamesa Kaalegɔ La Pa’alegɔ gɔnlɛmlɛm la poan

• Hon wan eŋɛ se’em ta’an kpemese hon la se’em n ye na’am mɔɔlegɔ la giila

• Gulesegɔ n tɔɣeri na’am mɔɔlegɔ la yele bii yelesonɛ ti nɛra nyɛ na’am mɔɔlegɔ poan