TO BƆNA WUU KRISTAKƆMA
Bunbilipaalesi—Yehowa Dela Yamam Zɔ Paa?
Bem hala ti hon bɔta ti ho zɔ tara? Daanse’ere ho wan bɔta ti a tara yelemɛŋɛrɛ, itisoŋɔ ge me bɔ’ɔra yɛri yɛri. Yehowa tari hala ana wa za’a mɛ. (Yɛh 34:6; Tm 14:17) A keleseri ho zusega mɛ. Ho ni san ɛɛra sɛla a zɛ’an, a ni soŋɛ ho mɛ. (Ym 18:19, 35) A baseri ho be’em bɔ’ɔra ho mɛ. (1Yo 1:9) Bisɛ Yehowa n de Zɔsoŋɔ se’em!
Hon wan eŋɛ la wani ta’an dɛna Yehowa zɔ? Zamesa baŋɛ a yɛla Baabule la poan. Dekɛ homea delum en. (Ym 62:8; 142:2) Eŋɛ pa’alɛ ti ho puure pee mɛ la sɛla n de ninmɔ’ɔrɛ bɔ’ɔra Yehowa wuu, a Dayɔa la, a Na’am la, la a pu’ulumbiŋa la. Tɔɣɛ a yele bo nɛreba. (Tɛ 32:3) Ho san tara bɔnsoŋa la Yehowa, eŋa me wan dɛna ho Zɔ daarewoo.—Ym 73:25, 26, 28.
BISƐ VIDIYO LA ZUO N DE BUNBILILPAALESI—‘WA’AN YA NA LEM BISƐ TI YEHOWA DELA SOM DAANA,’ GE NYAA LEBESE SOKERE ANA WA:
-
Ho wan eŋɛ la wani kã homea gura ko’om musega?
-
Mabiisi la n boi tansugere la poan la wan eŋɛ la wani ta’an soŋɛ hɔ ti pu’usa Yehowa?
-
Na’am mɔɔlegɔ tuuma la soŋeri tomam la wani ti to tara bɔnsoŋa la Yehowa?
-
To san nyɔɣɛ Yehowa zɔtɔ, la wan bɔna la bala wuusa!
Tiokrasi tuuma aŋa bɛɛ ti ho wan laɣum soŋɛ?
-
Bem zuo ti hon nɔŋɛ Yehowa?
