Yehowa Sɛɛradoma tari la yɔ’ɔ n boi de to’ore. To de Kristakɔma n kã tomea ge muse ko’om la, to kɔ’ɔn tiregera mɛ ti to tara bɔnsoŋa la to So’olum Daana Yehowa. A doose la a Dayɔa la poan loe to pa’asɛ a nɛreba poan. (Yon 6:44) A keleseri to zusega mɛ.​—Ym 34:15.

To wan eŋɛ la wani ta’an tara bɔnsoŋa la Naayinɛ? Sɛla ti la nara ti to eŋɛ dela to da tɔɣesa Israeldoma halebe’o la. Ba yuun biŋe nɔɔrɛ la Yehowa la, la yuun ka yue ti ba yaɣebɛ salema nagebila baɣerɛ nyaa kaabera ka. (Yɛh 32:7, 8; 1Ko 10:7, 11, 14) La nari ti to soke tomea yeti: ‘Mam wan eŋɛ la wani gurebisɛ san paɛ mam? Mam iti n itigɔ se’em la pa’alɛ ti mam nini tiɣɛ mɛ la mam la Yehowa bɔŋa la?’ To san tara nɔŋerɛ bɔ’ɔra to saazuo Sɔ la, la wan soŋɛ tɔ ti to yaɛ sɛla n de be’em.​—Ym 97:10.

BISƐ VIDIYO LA ZUO N DE GU HON LA YEHOWA BƆŊA LA SOŊA (KOL 3:5), GE NYAA LEBESE SOKERE ANA WA:

• Bem n de nyika?

• Beni n sɔi ti punya’anɛ la baɣa kaabegɔ ka ana soŋa?

• Pɔɣɔdisa’aŋɔ la baɣa kaabegɔ yɛla wɔ̃ni tabaa la wani wani?

• Beni n sɔi ti sɛba n tuni tiokrasi tuuma la nara ti ba basɛ ti ba pɔɣeba bii ba sireba yele pakɛ ba?