To intanɛt tuuma zɛ’an pɔsega bɔberɛ la tari la zaseŋɔ yɛla la vidiyodoma n kɛ̃’ɛri putɛsonɛdoma suure. (Tm 13:48) Zɛkaŋa ni tɔɣera la yelese’a n boi lasebaarɛ poan bii yelese’a ti nɛreba ti’isa bii tɔɣera de yele.

Ho wan eŋɛ la wani ta’an dekɛ jw.org pɔsega bɔberɛ la tum tuuma ho na’am mɔɔlegɔ poan?

• Bisera sɛla n boi intanɛt tuuma zɛ’an wa saŋa woo. Daalɛ basɛ yelese’a n de yelepaala bɔna bim ge geele bisɛ hon wan eŋɛ se’em ta’an dekɛ bala sɔsɛ bo sɛba n boti yelemɛŋɛrɛ la. (Ho san bɔta ti ho bisɛ yelese’a n tabelɛ bɔna pɔsega bɔberɛ la, ho ta’an di’e “Nyɛ Yɛla Pa’asɛ.”) Ho san bisera yelese’a n boi to intanɛt tuuma zɛ’an la saŋa woo, bala wan soŋɛ hɔ ti ho ta’an nyɛta yelepaala sɔsera ho na’am mɔɔlegɔ la poan.

• Tara zaseŋɔ yɛla, la vidiyodoma la n boi pɔsega bɔberɛ la pɔsera sɔsega ho na’am mɔɔlegɔ poan. Yelese’a n boi bim la ta’an basɛ ti to baŋɛ nɛresɛba n boi to gingilega la poan n ti’iseri sɛla.

• Pa’alɛ nɛreba pɔsega bɔberɛ la. Pa’alɛ nɛreba yelese’a wana mɔpi n boi bim ge me pa’alɛ bamam n wan eŋɛ se’em ta’an ɛ yɛla to intanɛt tuuma zɛ’an la poan.

• Dekɛ link bo ba. Nɛreba basɛba ta’an kan bɔta ti ba naɛ la to sɔsɛ ge ba ta’an bɔta ti ba bisɛ yelese’a n boi to intanɛt tuuma zɛ’an la poan. Da gu’um ti ho dekɛ pɔsega bɔberɛ la bii zaseŋɔ yele bii vidiyo link bo nɛra n boti sɔsega la.