TO BƆNA WUU KRISTAKƆMA
Dɔɣereba—Soŋɛ Ya Kɔma Ti Ba Tara Yɛm Sebo N Ze’ele Naayinɛ Zɛ’an La
Dɔɣereba san soŋera ba kɔma ti ba nyɛta nyuurɔ Kristakɔma zamesegɔ poan, bala wan soŋɛ kɔma la paa ti ba tara yɛm sebo n ze’ele Naayinɛ zɛ’an la. Kɔma n wuni ge nyɛta yelese’a zamesegɔ poan, la bamam mea lebesego wan soŋɛ ba ti ba zamesɛ baŋɛ Yehowa, ta’an ana tapilapi la en. (Tɛ 31:12, 13) Ho san dɛna dɔɣera, ho wan eŋɛ la wani soŋɛ ho kɔma ti ba nyɛta nyuurɔ zamesegɔ poan?
-
Tiregɛ kena zamesegɔ Na’am Pu’usegɔ Deo la poan.—Ym 22:22
-
Ni nyɛ nɛŋa ta’an sɔsɛ la mabiisi Na’am Pu’usegɔ Deo la poan ge ti ya pɔsɛ zamesegɔ la bii ya san pɔŋɛ zamesegɔ.—Heb 10:25
-
Basɛ ti nɛra woo n boi deo la poan tara gɔnseto ti to zamesa tansugere zamesegɔ poan la bii ba tara gɔnɔ wa ba fon poan
-
Soŋɛ ho bia ti a maasum ta’an bo lebesego n ze’ele a suuren.—Mt 21:15, 16
-
Tɔɣera ton zameseri yelese’a zamesegɔ poan la n tari nyuurɔ se’em
-
Soŋɛ ho kɔma ti ba laɣum ita yɛla ase’a n de wuu ba duusa Na’am Pu’usegɔ Deo la ge me sɔsera la mabisɛba n kuregɛ
La dela ho tiregɛ paa ta’an soŋɛ ho kɔma ti ba ana du’a du’a la Yehowa. Saŋa ase’a, la ta’an ni ana wuu la ba’ɛ kpe’em mɛ ge kɔ’ɔn tɛ̃ra ti Yehowa wan soŋɛ hɔ.—Isa 40:29.
BISƐ VIDIYO LA ZUO N DE DƆƔEREBA, DEKƐ YAMEA DELUM YEHOWA GE NYAA LEBESE SOKE ANA WA:
-
Zack la Leah tɔregɔ la daam ba la wani?
-
Beni n sɔi ti la nara ti dɔɣereba dekɛ bamea delum Yehowa ti a bo ba paŋa?
-
Sarɔtuni poan ti Zack la Leah dekɛ bamea delum Yehowa ti a soŋɛ ba?
