Hon nyaŋɛ kaalɛ yuunɛ wa Pigera Zontua zamesegɔ yɛla la? La san dɛna bala, bisɛ nyaa ho wan ta’an lebese soke ana wa:

La vuurɛ dela bem ti ‘to tee to puti’irɛ’? (Arom 12:2)

La ka pa’alɛ ti to yeen tum yelesoma wana fii wa to vom poan. Ge la dela to viisɛ tomea baŋɛ tomam n de nɛresɛba taaba ge eŋɛ teere ta’an nana Naayinɛ pa’alegɔ la soŋa soŋa.—w23.01, gɔn. 8-9.

Beni n sɔi ti la nara ti to bisɛ tomea soŋa to san bisera yelese’a n iti tingɔŋɔ wa poan?

La dela yelesonɛ la ton nyɛti yelese’a n iti tingɔŋɔ wa poan ti la pa’alɛ ti Baabule yetɔɣebiŋ’a n tuni tuuma la. Ge to san tara tomea puti’irɛ tuna tuuma, la ta’an sa’am to nɔyinɛ la. To san sɔsera, la nari ti to basɛ ti to puti’irɛ bɔna yelese’a ti Yehowa tigere la gulesɛ la poan. (1 Ko. 1:10)—w23.02, gɔn. 16.

Yezu ko’om musega la a podɔleba la ko’om musega boi to’ore to’ore la wani?

Yezu yuun ka nari ti a kã amea bo Yehowa se’ere n sɔi la, ba yuun dɔɣɛ en la tinsɛka nɛreba n puɣum kã bamea bo Naayinɛ. Yezu yuun ani la kãsi, bala la yuun ka nari ti a basɛ a be’em.—w23.03, gɔn. 5.

To wan eŋɛ la wani bo mabiisi yɔ’ɔ ti ba me bɔ’ɔra lebesego zamesegɔ poan?

To wan ta’an basɛ ti to lebesego la ana gi’a ti basɛba me ta’an bo lebesego. To me da tɔɣera yɛla zo’e zo’e, bala wan basɛ ti sɛla gee bo basɛba me ti ba tɔɣɛ.—w23.04, gɔn. 23.

‘Zilam Sore la’ ti Isaiah 35:8 tɔɣɛ de yele la vuurɛ?

Wɔ̃sum poan sore wa pa’alɛ la Yudadoma n yuun ze’ele Babilon doose sarɔseko poan lebe ba tiŋa la. Ge yɔɔma saŋa wa me? Yuun kɔbesi zo’e zo’e poan ta paɛ yuun 1919 la, ba yuun pɔsɛ maalegɔ tuuma mɛ n de ba lɛregera ge printera Baabula, la yɛla ase’a me. Naayinɛ nɛreba kɔ’ɔn dɔla la ‘Zilam Sore’ la zuo kɛ̃’ɛra vo’osum poan paradiisi la poan. Wana basɛ ti ba nyɛta la Na’am la kã’a.—w23.05, gɔn. 15-19.

Magaha a zuo 9 tɔɣɛ pɔɣesi siyi yele la wani ti la dɛna kã’aŋɔ bɔ’ɔra tɔ?

Magaha gɔŋɔ la tɔɣɛ ‘pɔɣesɛka n de gberego’ la yele ti a beeŋo la ye la ‘Yɔɔ poan.’ Ge sɛba n wan sakɛ pɔɣesɛka n de ‘yɛmdaana’ la beeŋo la, wan ‘kena la bɔkerɛ’ sore poan ge vɔna daarewoo. (Mag. 9:​1, 6, 13, 18)—w23.06, gɔn. 22-24.

Yehowa yuun eŋɛ la wani pa’alɛ ti a tari sirege n mea la putɛsonɛ Lot yele la poan?

Yehowa yuun yele Lot ti a zɔ yese Sodom zom zɔya la bɔba. Lot n yuun belum ti a bo ba yɔ’ɔ ti ba zɔ ta suɣɛ Zoar la,Yehowa yuun bo ba yɔ’ɔ ti ba keŋɛ bilam.—w23.07, gɔn. 21.

Pɔka wan eŋɛ la wani a sira san bisera yalumfɔɔra?

La ka nari ti a nyɔ̃na amea. La dela a kaala ge ti’isa taɣesa vo’osum poan pɔɣesi sɛba suure n yuun sa’am ti Yehowa buɣelɛ ba suure la yɛla. Bala wan basɛ ti eŋa la Yehowa bɔŋa la ana soŋa. La nari ti a soŋɛ a sira la ti a zaɣesɛ yelese’a n wan basɛ ti a lebe ta bisɛ yalumfɔɔra.—w23.08, gɔn. 14-17.

Nɛra san soke to sakerɛ yele, bɔkerɛ wan soŋɛ to la wani ti to ana mama?

To ta’an geele sokere la ti, la wan basɛ ti to zamesɛ baŋɛ sɛla yele n pakɛ. Bala wan basɛ ti to lebese nɛra la mama sore poan.—w23.09, gɔn. 17.

To wan ta’an zamesɛ la bem la Mary n yuun tari sukpe’ene la?

Se’em ma’a ti Mary baŋɛ ti eŋa n wan ta dɔɣɛ Mɛzaaya la, a yuun basɛ ti nɛreba n soŋɛ en ti a tara sukpe’ene. Gabriel la Elizabet yuun dekɛ la Gulesegɔ la kpemese Mary giila. Tomam me wan ta’an basɛ ti mabiisi soŋɛ tɔ ti to tara sukpe’ene.—w23.10, gɔn. 15.

Yehowa ta’an lerege to zusega la wani?

A pu’ulum biŋe ti a wan kelese to zusega ge bisɛ lan makɛ se’em la a puti’irɛ n boti sɛla. (Yer. 29:12) A ta’an lerege to zusega sarɔtɔ to’ore to’ore poan. Ge a wan soŋera to saŋa woo.—w23.11, gɔn. 21-22.

Arom 5:2 tɔɣɛ la ‘beere sa’am puti’irɛ’ yele. Bala, bem zuo ti kaalegɔ zɛ’an 4 le tɔɣɛ beere sa’am puti’irɛ yele?

Nɛra san wum yelesoma la, a ni tara la beere sa’am puti’irɛ ti a wan vɔna wuusa paradiisi tinparɛ wa zuo. Ge mɛlesegɔ san pɔsɛ paara en a ni ŋmibera mɛ ge baŋɛ Yehowa n boti a yele se’em. Bala ni basɛ ti a beere sa’am puti’irɛ la kpe’em mɛ ti a baŋɛ ti la wan sirum tum tuuma.—w23.12, gɔn. 12-13