La daɣɛ naana ti saŋa woo to tɛ̃ra ton zamesɛ sɛla la. Ge la ka kpe’em ti to tɛ̃ra Yezu n yuun pa’alɛ yelese’a la se’ere n sɔi la, a yuun bo’ori la maɣesa. To ta’an ni ti’isɛ baŋɛ Yezu n yuun tɔɣeri sɛla yele. Bala me ni soŋɛ to mɛ ti to tɛ̃ra eŋa n yuun pa’alɛ sɛla la. Ho san zamesa ge tiregɛ ŋmaɛ yele la foote ho puti’irɛ poan, la wan soŋɛ hɔ ti ho tɛ̃ra. Ho wan eŋɛ la wani ta’an eŋɛ bala? Dɔreŋera hon zameseri sɛla la.

Nɛreba san zamesa yelepaala ge dɔreŋera, ba ni tɛ̃ra yele la mɛ paa. Ba san dɔreŋɛ, la ka yeen soŋera ba mɛ ti ba tɛ̃ra yelebɛa la ma’a ge la me soŋeri ba mɛ ti ba tɛ̃ra yelekpina la. La daɣɛ ba dɔreŋɛ sɛla n ba’ɛ ana soŋa. Ba yeen dɔreŋɛ sɛla n wan soŋɛ ba ti ba tɛ̃ra. Ba viisɛ baŋɛ ti, yele yele wuu bunkureba ti yele wa soŋera.

Ho san zamesa, ho ta’an tiregɛ dɔreŋɛ hon zamesɛ sɛla la. Ho wan baŋɛ ti bala n basɛ ti ho tɛ̃ra yɛla!