1. David yuun dekɛ Yehowa makɛ la bem ti la bɔna Yooma 18:46?

 SAŊA ase’a, yeledi’ire ta’an paɛ tɔ ti la kpe’em bo to bii la basɛ ti to vom tee kalam. Bisɛ to puurɛ n pee se’em la Yehowa n ni soŋera to la! Zaseŋɔ seko n tole la poan, to baŋɛ ti Yehowa Naayinɛ boi mɛ ge me kɔ’ɔn maasum ti a soŋɛ tɔ. Yehowa san soŋɛ tɔ, la ni basɛ ti to tara la suure lua ti ‘a boi mɛ!’ (Kaalɛ Yooma 18:46.) David n yuun yeti Naayinɛ boi mɛ ba’asɛ la, a le dekɛ Naayinɛ makɛ me la sɛla n ka tari vom. David yuun yeti Naayinɛ dela ‘eŋa Taŋa.’ Bala vuurɛ?

2. To wan zamesɛ la bem la David n yuun yeti Yehowa dela ‘mam Taŋa’ la?

² Zaseŋɔ wa poan, to wan sɔsɛ baŋɛ sɛla n sɔi ti ba dekɛ Yehowa makɛ la taŋa, la bala n pa’alɛ tɔ Yehowa yele se’em. To me wan zamesɛ ton wan eŋɛ se’em ta’an dekɛ tomea delum en ti a dɛna to Taŋa. Ba’asegɔ la, to wan zamesɛ baŋɛ ton wan eŋɛ se’em tɔɣesa a hala la.

SƐLA N SƆI TI YEHOWA DƐNA TAŊA

3. Baabule la dekɛ ‘taŋa’ tum tuuma la wani? (Bisɛ foote.)

³ Baabule la dekɛ Yehowa makɛ la ‘taŋa’ ti la soŋɛ tɔ ti to bɔkɛ a hala la. Saŋa zo’e zo’e la Yehowa yamesi san ni pɛɣera en ti a hala la di la mi’a, ba ni dekɛ makɛ la taŋa Baabule la poan. Zɛsɛka ti ba gulesɛ yia ti Yehowa dela ‘Taŋa’ Baabule la poan la boi la Tɛɛnhegɔ 32:4. Hana yuun tɔɣɛ a zusega poan yeti, ‘Taŋa ka boi ana wuu tomam Naayinɛ wa.’ (1 Sa. 2:2) Habakuk yuun yeti, Yehowa dela ‘eŋa Taŋa.’ (Hab. 1:12) Burasɛka n gulesɛ Yooma 73 la yuun yeti, a dela ‘eŋa suure wa paŋa.’ (Ym. 73:26) Hali Yehowa yuun dekɛ amea makɛ mɛ la taŋa. (Isa. 44:8) Basɛ ti to sɔsɛ baŋɛ halese’a atã n basɛ ti Yehowa ana wuu ‘taŋa.’—Tɛɛ. 32:31.

4. Sodeni poan ti Yehowa dɛna to suka zɛ’an? (Yooma 94:22)

 ⁴ Yehowa dela to suka zɛ’an. Kusebekãtɛ san vugera, nɛra ta’an suɣɛ amea taŋa poan. Bala mea nɔɔ ti Yehowa ni dɛna to suka zɛ’an daaŋɔ saŋa. (Kaalɛ Yooma 94:22.) A te’eli to mɛ ge soŋera tɔ ti to tara bɔnsoŋa la en. A ni basɛ ti to tara la suure lua ti to daaŋɔ la kan bɔna bala wuusa. A me le pu’ulum biŋe ti beere sa’am, a wan yese yelese’a woo n basɛ ti to namesa la.—Eze. 34:​25, 26.

5. To wan eŋɛ la wani ti Yehowa dɛna to Suka Zɛ’an?

⁵ Sarɔɔ kuyima ti to wan ta’an basɛ ti Yehowa dɛna to Suka Zɛ’an dela to zusa en. To san zusɛ, Yehowa ni bo to la a suma’asum la ti la gu to suure la to puti’irɛ. (Flp. 4:​6, 7) Geele mabia Artem ti ba paɣɛ en a sakerɛ zuo la yele la bisɛ. Eŋa n yuun boi sarega la, se’em n yuun biseri en la yuun mɛleseri en mɛ saŋa zo’e zo’e la wan eŋɛ se’em ti dabeem sãɛ en. Artem yeti: “Nɛresɛka n mɛleseri mam la san ni kɔ’ɔn yi mam . . . mam paleŋa n ni ɛ̃ɣera. Ge mam ni kɔ’ɔn zusɛ la Yehowa ti a basɛ ti n suure ana mama ge me bo mam yɛm. La ka pakɛ la mɛlesegɔ la za’a, mam yuun ani la baalam. Yehowa n soŋɛ mam la zuo, la yuun ani mam wuu mam suɣɛ la taŋa poan.”

6. Beni n sɔi ti to wan ta’an dekɛ tomea delum Yehowa saŋa woo? (Isa. 26:​3, 4)

⁶ Yehowa dela yelemɛŋɛrɛdaana, a kan malum basɛ tɔ. Wuu taŋa n ni kɔ’ɔn zɛ’a kankaŋi ka bikera la, to mi ti Yehowa me kɔ’ɔn bɔna mɛ ge maasum ti a soŋɛ tɔ. To ta’an dekɛ tomea delum en se’ere n sɔi la a dela ‘Taŋa n ka bikeri.’ (Kaalɛ Isaiah 26:​3, 4.) A wan kɔ’ɔn bɔna la bala, basɛ ti a pu’ulumbiŋ’a la tum, kɛlesa to zusega ge soŋɛ tɔ sansɛka n nari poan. To wan ta’an dekɛ tomea delum Yehowa se’ere n sɔi la a tari la yelemɛŋɛrɛ bɔ’ɔra sɛba woo n pu’useri en. (2 Sa. 22:26) A kan makɛ tamɛ ton tum sɛla woo bo en la. A wan kã’ara bɔ’ɔra tɔ saŋa woo —Heb. 6:10; 11:6.

7. To wan nyɛ la bem nyuurɔ to san dekɛ tomea delum Yehowa? (Bisɛ foote la.)

⁷ To wan ta’an basɛ ti Yehowa dɛna to Taŋa to san dekɛ tomea kɔ’ɔn delum en. To tari suure lua ti to san nana en biɣi biɣi saŋa poan, to wan nyɛ nyuurɔ. (Isa. 48:​17, 18) To san ti’isa eŋa n soŋeri to se’em la, la wan basɛ ti to sakerɛ kpe’em. La wan basɛ ti to tara suure lua ti la ka pakɛ la daaŋɔ se’a woo n paari to la, Yehowa ma’a n wan ta’an soŋɛ tɔ ti to ŋmibe. Sansɛka ti la kpe’em bo to ti to ka tara ŋmɛregerɛ zɛ’an la, bilam ti to ni baŋɛ ti Yehowa ma’a ti to wan ta’an dekɛ tomea delum. Vladimir yeti: “Ban yuun paɣɛ mam ma’a sarega poan la, sankaŋa ti mam yuun ana du’a du’a la Yehowa malum pa’asɛ. Mam yuun baŋɛ ti la nari ti n tara sakerɛ n kpe’em, se’ere n sɔi la  mam ma’a n yuun boi ge me kan ta’an eŋɛ sɛsɛla n yele la poan.”

8. (a) Beni n sɔi ti to wan ta’an yeti Yehowa ka teeri? (b) To nyɛti nyuurɔ la wani la Yehowa n de to Taŋa la? (Yooma 62:​6, 7)

⁸ Yehowa ka teeri. Yehowa kɔ’ɔn ana wuu taŋa n karegɛ bii zoore kɔ’ɔn zɛ’a kankaŋi ka bikera. A hala, la a puti’irɛ n boti se’em ka teeri. (Ma. 3:6) Adam la a pɔɣa yuun zaɣesɛ Yehowa mɛ ge eŋa n yuun tari putɛse’ere bɔ’ɔra asaala la yuun ka tee. Tuuntuna Paul yeti, Yehowa ‘kan ta’an pã’asɛ amea.’ (2 Tim. 2:13) La ka pakɛ la yelese’a n iti bii nɛreba n iti se’em, Yehowa kan tee. Yehowa n ka teeri la zuo, to mi ti a wan soŋɛ tɔ sansɛka ti la kpe’em bo to ge me basɛ ti a pu’ulumbiŋ’a la tum tuuma beere sa’am.—Kaalɛ Yooma 62:​6, 7.

9. To zamesɛ la bem Tatyana yele la poan?

⁹ To san ti’isa taɣesa Yehowa hala, la putɛse’ere ti a tara bɔ’ɔra tingɔŋɔ wa la nɛresaaleba la, la wan basɛ ti to malum dekɛ tomea delum en ti a dɛna to Taŋa. Bala wan soŋɛ tɔ ti to ana baalam daaŋɔ saŋa ge tara yelemɛŋɛrɛ bɔ’ɔra en. (Ym. 16:8) Mabia Tatyana ti ba yuun paɣɛ en amea yire poan a sakerɛ zuo la yuun eŋɛ la bala. A yeti: “Mam yuun kɔ’ɔn bɔna la n ma’a. Pɔsega la, la yuun kpe’em bo mam mɛ. Mam suure n yuun ni sa’am ti la ana mam bura.” Ge eŋa n nyaa ti’isɛ taɣesɛ Yehowa puti’irɛ n wan tum tuuma se’em a san nyaŋɛ ŋmibe la soŋɛ en mɛ ti a tara paŋa. Tatyana le yeti: “Mam n yuun bɔkɛ sɛla n sɔi ti yele ana wa paara mam la basɛ ti mam tiɛ ti la dela Yehowa zuo ti mam namesa. Bala yuun soŋɛ mam mɛ ti mam ka le ti’isa n ma’a yele.”

10. To wan eŋɛ la wani ti Yehowa dɛna to Taŋa?

¹⁰ La kan yue, yeledaaŋɔ zo’e zo’e wan paɛ tɔ. Sankaŋa la, la wan nara ti to dekɛ tomea delum Yehowa gaŋɛ ton puɣum ita se’em la. Nananawa n nari ti to tara suure lua Yehowa poan ti a wan nyaŋɛ soŋɛ tɔ ti to tara sakerɛ bɔ’ɔra en bɔnsɛka woo poan. To wan eŋɛ la wani ta’an eŋɛ bala? Kaalɛ Baabule la baŋɛ yelese’a n yuun eŋɛ sankaŋa la ge kɛlesa mabiisi zi’irego poan yɛla. Bisɛ Yehowa n yuun soŋɛ a yamesi la se’em. Ti’isɛ taɣesɛ yele ana wa. Bala wan soŋɛ hɔ ti Yehowa dɛna ho Taŋa.

TƆƔESA YEHOWA HALA LA

11. Beni n sɔi ti to bɔta ti to tɔɣesa Yehowa hala la? (Le bisɛ daka la zuo n de “ Mabiburaasi N Wan Ta’an Eŋɛ Sɛla.”)

¹¹ To puɣum sɔsɛ baŋɛ Yehowa n tari halese’a ti la pa’alɛ ti a dela to suka zɛ’an. Nananawa, basɛ ya ti to geele ya bisɛ ton wan eŋɛ se’em ta’an tɔɣesa a hala la. To san tiregɛ tɔɣesa Yehowa hala la, tomam la to mabiisi tiŋasuka wan ana soŋa. Makerɛ, Yezu yuun siɣɛ Simon ti Kepas (ba lerege de ti  “Peter”), ti de vuurɛ dɛna ‘Taŋa.’ (Yon 1:42) Wana wa yuun pa’alɛ ti Peter wan buɣelɛ mabiisi la suure ge basɛ ti ba sakerɛ kpe’em. A yuun dekɛ tansugere keendoma la makɛ la ‘taŋa ma’asum n boi warɛ poan.’ Wana wa pa’alɛ ti bamam n wan gu’ura mabiisi la tansugere la poan. (Isa. 32:2) To za’a san tɔɣesa Yehowa hala la, tansugere la za’a wan nyɛ nyuurɔ.—Ep. 5:1.

12. Tɔɣɛ pa’alɛ ton wan eŋɛ se’em ta’an soŋɛ to mabiisi daaŋɔ poan.

¹² Soŋera ho mabiisi la biɣi biɣi saŋa poan. Zaberɛ bii yeledi’ima san basɛ ti mabiisi zɔ loŋe tiŋa, to ta’an to’e ba kɛ̃ to yire. Ton boi ‘ba’asegɔ dabesa’ wa poan la, yɛla kɔ’ɔn sa’ana gana la be’ero ti la nara ti to soŋera taaba. (2 Tim. 3:1) To me wan ta’an tara nɔŋerɛ bɔ’ɔra mabiisi la ge buɣela ba suure la yele san ta pakɛ. Sansɛka ti la nara ti to eŋɛ bala dela to san keŋɛ zamesegɔ. To ta’an naɛ la ba sɔsɛ ge buɣelɛ ba suure. To boti la to tara nɔŋerɛ bɔ’ɔra to mabiisi la ge kpɛmesa ba giila to zamesegɔ zɛ’an. Tingɔŋɔ wa poan, nɛreba ka nɔŋɛ taaba. Bala ni basɛ ti to mabiisi la suure n sa’am ti ba ana bura. Bala la, to san seke to mabiisi wa zamesegɔ poan, to ni bɔta la to kpemese ba giila ge basɛ ti ba baŋɛ ti to nɔŋɛ ba.

13. Keendoma wan eŋɛ la wani ta’an dɛna suka zɛ’an bɔ’ɔra mabiisi la? (Bisɛ foote la.)

¹³ Keendoma ni buɣelɛ mabiisi suure mɛ daaŋɔ san paɛ ba. Yeledi’ire bii imma’asum yeledaaŋɔ san paɛ mabia, keendoma la ni eŋɛ la kalam ta soŋɛ ba. Ba me ni dekɛ la Baabule la kpemese ba giila ge pa’ala ba. Keema san dɛna nɛremama, kɛlesa mabiisi la ge bɔkɛ lan ani ba se’em, la wan dɛna naana bɔ’ɔra mabiisi la ti ba  tɔɣɛ ba yeledaaŋɔ bo en. Hala ana wan basɛ ti mabiisi la baŋɛ ti keendoma la nɔŋɛ ba. La wan basɛ ti la dɛna naana ti mabiisi dekɛ keendoma la ka’aŋɔ tum tuuma.—1 Tes. 2:​7, 8, 11.

14. To wan eŋɛ la bem pa’alɛ ti to tari yelemɛŋɛrɛ?

¹⁴ Tara yelemɛŋɛrɛ. To boti la nɛreba baŋɛ ti, yele san paɛ ba to wan ta’an soŋɛ ba. (Mag. 17:17) To wan eŋɛ la wani ti nɛreba ta’an dekɛ bamea delum to? To wan ta’an tiregɛ tɔɣesa Yehowa daarewoo ge me ni tum ton yele sɛla la. (Mt. 5:37) To san baŋɛ ti nɛra n boti soŋerɛ, to ta’an soŋɛ en. Leyɛ’ɛsa, ba san bo to tuunɛ tansugere la poan, to wan tum dɛ wuu ban pa’alɛ to se’em la.

15. Mabiisi la wan nyɛ la bem nyuurɔ keendoma la san tara yelemɛŋɛrɛ?

¹⁵ Keendoma la san tara yelemɛŋɛrɛ, tansugere la wan nyɛ la bem nyuurɔ? Mabiisi la san baŋɛ ti ba wan ta’an yi keendoma la sansɛka woo ti ba bɔta, la wan basɛ ti ba puti’irɛ gã’a bɔbeyinɛ. Keendoma la san soŋera mabiisi la, ba ni sirum baŋɛ ti ba fabeli ba yele. Keendoma san tara Baabule la tansugere gɔnɔ la  ka’ana mabiisi la ge ka tɔɣera bamam mea puti’irɛ n de se’em, la wan basɛ ti mabiisi la dekɛ bamea delum ba. Mabiisi la san baŋɛ ti keendoma la ka tɔɣeri ba suɣelum yɛla bɔ’ɔra nɛreba ge me tuna ban yeti ba wan eŋɛ sɛla la, la wan basɛ ti mabiisi la dekɛ bamea delum ba.

16. To wan nyɛ la bem nyuurɔ to san ita sɛla n de tontɔɔ?

¹⁶ Kɔ’ɔn ita sɛla n de tontɔɔ. To san nana Yehowa ge ni kɔ’ɛ puti’irɛ ti la makɛ la Baabule naresum yɛla, la wan dɛna makesonɛ bo mabiisi la. To san zamesa Naayinɛ Yelesum la ge tara sakerɛ n kpe’em Yehowa poan, la wan basɛ ti to tara yelemɛŋɛrɛ dɔla a pa’alegɔ la. To kan dɔla pumpɔreŋɔ pa’alegɔ, la yelese’a n ka makɛ la Yehowa pa’alegɔ. (Ep. 4:14; Yam. 1:​6-8) Ton tari sakerɛ Yehowa la a pu’ulumbiŋ’a la poan la zuo, la wan basɛ ti la ana to mama to san puɣum wum dabeem yɛla. (Ym. 112:​7, 8) To me wan ta’an soŋɛ sɛba ti daaŋɔ paara ba la.—1 Tes. 3:​2, 3.

17. Bem n ni soŋɛ keendoma la ti ba ta’an basɛ ti mabiisi la ana baalam?

¹⁷ Keendoma nari to ba tara halesoma, putɛsonɛ, ita yɛla ma’a ma’a ge me tara bɔkerɛ. Keendoma la ni soŋɛ mabiisi la mɛ ti ba ana baalam ge ‘kɔ’ɔn dɔla sakerɛ yelesum la soŋa soŋa.’ (Titus 1:9; 1 Tim. 3:​1-3) Ba iti la makesonɛ bɔ’ɔra mabiisi la ge kaara ba bisa, soŋera mabiisi la ti ba ta’an kena zamesegɔ, na’am mɔɔlegɔ ge me ita bamea zamesegɔ saŋa woo. Daaŋɔ san paara mabiisi la, keendoma la ni tiɛ ba ti ba dekɛ bamea delum Yehowa ge me basɛ ti ba puti’irɛ bɔna a pu’ulumbiŋ’a la poan.

18. Beni n sɔi ti la nara ti to ana tapilapi la Yehowa ge ana du’a du’a la en? (Le bisɛ daka la zuo n de “ Hon Wan Eŋɛ Se’em Ana Du’a Du’a La Yehowa.”)

¹⁸ Ton zamesɛ Yehowa hala la ba’asɛ la wan basɛ ti to tɔɣesɛ Naba David ge yeti: ‘Pɛ̃ka dela Yehowa n de mam Taŋa la denɛ.’ (Ym. 144:1) To wan ta’an dekɛ tomea delum Yehowa saŋa woo. To vom dabesa za’a, to mi soŋa soŋa ti a wan soŋɛ tɔ ti to kɔ’ɔn ana tapilapi la en ge nyaa yeti: ‘Eŋa n de mam Taŋa.’—Ym. 92:​14, 15.