Kaalɛ Pin’ileŋɔ 37:​23-28; 39:​17-23 zamesɛ baŋɛ Yosef n yuun ŋmibe se’em ŋmɛlema tuuma poan.

Bisɛ yele la n yuun pɔsɛ se’em. Bem n yuun basɛ ti ba eŋɛ Yosef bala? (Pin. 37:​3-11; 39:​1, 6-10) Yosef yuun ŋmibe ŋmɛlema tuuma wa poan paɛ la wani ma’a? (Pin. 37:2; 41:46) Sankaŋa la, Yehowa yuun eŋɛ la bem bo Yosef ge bem ti A yuun ka eŋɛ ?—Pin. 39:​2, 21; w23.01 17 ¶13.

Viisɛ pa’asɛ. La boi bim ti Potifa pɔɣa yuun parum bo Yosef mɛ ge Baabule la ka yeti, Yosef yuun tɔɣɛ po’e la amea. Gulesegɔ ana wa wan soŋɛ to la wani ti to baŋɛ sɛla n sɔi ti Yosef yuun ka tɔɣɛ po’e amea, bii sɛla n sɔi ti la ka nara ti to mina sɛla woo? (Mag. 20:2; Yon 21:25; Tm. 21:37) Halɛ ani n yuun soŋɛ Yosef ti a ta’an ŋmibe ŋmɛlema tuuma la poan?—Mik. 7:7; Lu. 14:11; Yam. 1:​2, 3.

Bisɛ hon wan ta’an zamesɛ sɛla. Soke homea yeti:

• ‘Mam de Yezu podɔla la, ŋmɛlema tuuma ani n wan ta’an paɛ mam?’ (Lu. 21:​12, 16, 17; Heb. 10:​33, 34)

• ‘Mam wan eŋɛ la wani ta’an maasum ŋmibe ŋmɛlema tuuma wa poan?’ (Ym. 62:​7, 8; 105:​17-19; w19.07-E 2-7)