•  Pi’ileŋo 2

  •  Yetɔɣum 3

  •  Vo’osum Poan Yɛla 4

  •  Baabule Kaalegɔ 5

•  Dekɛ Tum Tuuma Na’am Mɔɔlegɔ Poan 6-14

  •  Pɔsɛ Sɔsega 7

  •  Lebe Ta Bisɛ 8

  •  Ɛɛra Podɔleba 9

  •  Tɔɣɛ Ho Sakerɛ Yɛla 10

  •  Yetɔɣum 11

  •  Ton Wan Tɔɣɛ Sɛla 12

  •  Bɔŋa 13

  •  Ton Wan Tara Vidiyodoma La Gɔnɔ Tuna Tuuma Se’em 14

•  To Bɔna Wuu Kristakɔma 15-16

  •  Tansugere Baabule Zamesegɔ 16

•  Ki’ileŋɔ 17

•  Pɛ̃ka La Ka’aŋɔ 18

•  Tɛm Dɔlega 19

•  Gingilega Kaarɛ Bisegadaana San Wa’ana 20

•  Laɣesegɔ San Bɔna Bakwai La Poan 21

•  Tiirɛ Dia San Bɔna Bakwai La Poan 22

•  Vom La Na’am Tuuma Zamesegɔ Bisegadaana 23

•  Vom La Na’am Tuuma Zamesegɔ Kuka Zuodaana 24

•  Ka’aŋɔdaana 25

•  Ya San Yeti Ya Pu Sukuu La 26

•  Vidiyodoma 27

1. Pa’alegɔ yɛla wa wan soŋɛ sɛba woo n tari tuuma Tomam Kristakɔma Vom La To Na’am Tuuma zamesegɔ la poan. Ba san bo nɛra tuunɛ, la nari ti a kaalɛ Vom La Na’am Tuuma Zamesegɔ Gɔŋɔ la, la pa’alegɔ yɛla wa n tɔɣɛ tuunɛ la yele se’em ge nyaa pɔsɛ maasena. Na’am mɔɔlegɔdoma woo wan ta’an pa’asɛ sukuu tuuma la poan. Sɛba woo n keni zamesegɔ daarewoo ta’an laɣum pa’asɛ sukuu la poan ba san nam Baabule pa’alegɔ ge ti ba sareŋɔ makɛ la Kristakɔma n nari ti ba vɔna ba vom se’em. Nɛra n daɣɛ na’am mɔɔlegɔdaana san bɔta a pa’asɛ sukuu la poan, Vom La Na’am Tuuma Zamesegɔ bisegadaana la nari ti a sɔsɛ la en ti a baŋɛ eŋa n nari ti a eŋɛ sɛla ta’an pa’asɛ sukuu la poan. Bala pooren, a nyaa wan yele nɛra la nyaa a wan ta’an pa’asɛ bii a kan ta’an pa’asɛ. La nari ti a sɔsɛ la nɛra la se’em ma’a ti mina n pa’ali en Baabule la bii a dɔɣera n de Sɛɛradaana zi’a bim. Yelese’a ti nɛra n boti a dɛna na’am mɔɔlegɔdaana nara ti a eŋɛ la nɔɔ ti a me nara ti a eŋɛ.—od-E zuo 8 kz. 8.

2. Mita ayima. Bakwai woo poan, to san ni yuum ge zusɛ ba’asɛ, Vom La Na’am Tuuma Zamesegɔ kuka zuodaana la wan pa’alɛ tɔ to wan zamesɛ sɛla. Kuka zuodaana la dela a tɔɣɛ yelese’a n wan soŋɛ nɛra woo n boi tansugere la poan.

 3. Yetɔɣum: Mita pia. Yetɔɣum la zuo wan pa’alɛ tɔ yelekpina ayi bii atã ti la bɔna Vom La Na’am Tuuma Zamesegɔ Gɔŋɔ la poan. Tansugere keema bii keendoma soŋeredaana n kumesɛ n nari ti a tum tuunɛ wa. To san yeti to pɔsɛ la Baabule gɔŋɔ ayima zamesegɔ, to wan dekɛ la vidiyo pɔsɛ. Yetɔɣumdaana la ta’an dekɛ sɛla n boi vidiyo la poan la tɔɣɛ ti la makɛ la yetɔɣum la zuo. Bala la, la nari ti a tɔɣɛ yelekpina la za’a wuu zamesegɔ gɔŋɔ la n pa’alɛ se’em la. Leyɛ’ɛsa me, tɛm san bɔna, a ta’an dekɛ fɔɔra la tum tuuma soŋa soŋa. Fɔɔra la ni basɛ ti zamesegɔ la niɛ la peelumi. A san bisɛ ti viisegɔ yɛla ase’a ta’an basɛ ti yelekpina la niɛ peelumi, a ta’an dekɛ pa’asɛ bim.

 4. Vo’osum Poan Yɛla: Mita pia. Dena dela sokere la lebesego sɔsega ma’a. Keema bii keendoma soŋeredaana n kumesɛ n nari ti a tum tuunɛ wa. Yetɔɣumdaana la nari ti a soke kɛleseriba la sokere la za’a. Leyɛ’ɛsa me, la nari ti a bisɛ nyaa saŋa boi ti ba wan ta’an kaalɛ kaalegɔ zɛ̃’ɛsi la za’a. Se’em n nyɛ yɔ’ɔ ti a bo lebesego, nari ti a dekɛ kiki 30 bii la da paɛ bala tɔɣɛ.

 5. Baabule Kaalegɔ: Mita anaasi. Buraa n nari ti a tum tuunɛ wa. Mabia la nari ti a kaalɛ ban bo en zɛ’an ti a kaalɛ la ma’a ge me da dekɛ sɛla pi’ilum bii ki’ilum kaalegɔ la. Zamesegɔ kuka zuodaana la nari ti a soŋɛ zamesegɔdoma la ti ba ta’an kaala soŋa soŋa, ti bɔkerɛ bɔna bim, tɔɣera wai wai, kaalɛ di’e yelekpina la, tɛɛra ba kɔ̃a, su’usa ge kaala wuu ba tɔɣeri me la. Baabule kaalegɔ zɛ̃’ɛsi ase’a ni wɔɣɛ mɛ ti ase’a me ana girega, bala la Vom La Na’am Tuuma Zamesegɔ bisegadaana la wan bisɛ zamesegɔdaana la n mi kaalegɔ se’em ge nyaa dekɛ tuunɛ wa bo en.

6. Mita pia la anuu. Bɔberɛ kana wan kumesɛ to za’a ti to ta’an pɔsera sɔsega na’am mɔɔlegɔ poan ge me pa’ala soŋa. La san pakɛ, ba ta’an bo keendoma tuuma bɔberɛ kana poan. Zamesegɔdaana woo sonti a dekɛ Pa’alegɔ bii Nɔŋɛ Nɛreba gɔnlɛmlɛm la zamesegɔ yelese’ere n boi parentheses, Vom La Na’am Tuuma Zamesegɔ Gɔŋɔ la poan la tum tuuma. Saŋa ase’a, la ta’an ni dɛna sɔsega. La san dɛna bala, keema bii keendoma soŋeredaana n kumesɛ n nari ti a tum tuunɛ wa.—Ho san bɔta ti ho baŋɛ hon wan tum tuunse’a n de sɔsega se’em, bisɛ  kaalegɔ zɛ’an 15.

 7. Pɔsɛ Sɔsega: Buraa bii pɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa bii a deo nɛra. Pɔka me dela bala mea. Zamesegɔdaana la, la a soŋera la san bɔta ba ta’an zi’ire bii ba zɛ’a.—Ho san bɔta ti ho baŋɛ hon wan tɔɣɛ sɛla, la hon wan dekɛ bɔnsɛka tum tuuma, bisɛ  kaalegɔ zɛ̃’ɛsi 12 la  13.

 8. Lebe Ta Bisɛ: Buraa bii pɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa. Pɔka me dela bala mea. (km-E 5/97 gɔn. 2) Zamesegɔdaana la, la a soŋera la san bɔta ba ta’an zi’ire bii ba zɛ’a. Zamesegɔdaana la nari ti a eŋɛ pa’alɛ eŋa n yeti a ta yele sɛla a san lebe ti a ta bisɛ nɛra ti a daa tɔɣɛ bo.—Ho san bɔta ti ho baŋɛ hon wan tɔɣɛ sɛla, la hon wan dekɛ bɔnsɛka tum tuuma, bisɛ  kaalegɔ zɛ̃’ɛsi 12 la  13.

 9. Ɛɛra Podɔleba: Buraa bii pɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa. Pɔka me dela bala mea. (km-E 5/97 gɔn. 2) Zamesegɔdaana la, la a soŋera la san bɔta ba ta’an zi’ire bii ba zɛ’a. Eŋɛ itipa’alegɔ pa’alɛ Baabule zamesegɔ ti ya puɣum bɔna bim ita. La ka nari ti zamesegɔdaana la tɔɣɛ sɛla pi’ilum bii ki’ilum san daɣena la a tuni la yelese’ere wana mɔpi zamesegɔ yelekpina la poan. La daɣɛ pɛ̃regerɛ ti a kaalɛ kaalegɔ la za’a kpe’eŋo kpe’eŋo ge a san bɔta a ta’an eŋɛ bala.

 10. Tɔɣɛ Ho Sakerɛ Yɛla: La san dɛna yetɔɣum, buraa n nari ti a tum tuunɛ wa. La san dɛna itipa’alegɔ, buraa bii pɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa bii a deo nɛra. Pɔka me dela bala mea. Zamesegɔdaana la nari ti a viisɛ zaseŋɔ yelese’ere ti ba dekɛ bo en la ta’an lebese sokere la ti la kɛ̃’ɛra suure. Zamesegɔdaana la san bɔta, a ta’an tɔɣɛ zaseŋɔ yele la a san tuna a tuunɛ la.

 11. Yetɔɣum: Buraa n nari ti a tum tuunɛ wa ge me eŋɛ de wuu a bo’ori la tansugere yetɔɣum la. Yetɔɣum la san ze’ele Nɔŋɛ Nɛreba gɔnlɛmlɛm la yelese’a n pa’asɛ 1 la poan, zamesegɔdaana la nari ti a pa’alɛ to wan dekɛ Baabule gulesegɔ la tum tuuma se’em na’am mɔɔlegɔ poan. Makerɛ, a ta’an pa’alɛ sansɛka ti to wan dekɛ gulesegɔ la tum tuuma, gulesegɔ la vuurɛ, la ton wan ta’an soŋɛ nɛra se’em ti a bɔkɛ de vuurɛ. Yetɔɣum la san ze’ele Nɔŋɛ Nɛreba gɔnlɛmlɛm la zaseŋɔ kuyima yelezure poan, zamesegɔdaana la nari ti a pa’alɛ to wan dekɛ yelezure kaŋa tum tuuma se’em na’am mɔɔlegɔ poan. A ta’an tɔɣɛ makerɛ la n boi zaseŋɔ la yelezure 1 la poan bii la san nara, a tɔɣɛ gulesegɔ seto n boi zaseŋɔ la poan la yele.

   12. Ton Wan Tɔɣɛ Sɛla: Pa’alegɔ yelese’a n boi kaalegɔ zɛ’an wa poan, la sɛka n taɣelɛ la tɔɣeri la, “Pɔsɛ Sɔsega” la “Lebe Ta Bisɛ” bɔba la yele. San daɣena ba yele la sɛla wana mɔpi, zamesegɔdaana la nari ti a tɔɣɛ Baabule yele n pakɛ nɛra la ge tɔɣɛ sɛla n wan soŋɛ ti a ta’an tɔ̃kɛ sɔsega la dase’ere daarɛ. Zamesegɔdaana la nari ti a loe yelezure n makɛ ge me kɔ’ɔn ita gingilega la poan. A san bɔta, a ta’an tɔɣɛ gɔŋɔ bii vidiyo n boi to Pa’alegɔ Lɔɣɔrɔ Daka la poan yele. Zamesegɔdaana la ka nari ti a yeen tɔɣɛ sɛla ti a tɛ̃ra ge a pa’alɛ eŋa n mi sɔsega se’em, maɣesɛ wuu eŋa n ti’iseri nɛreba yele se’em.

   13. Bɔŋa: Zamesegɔdaana la nari ti a dekɛ yelese’ere ti ba bo en la tum tuuma ti la makɛ la gingilega la n ani se’em. Makerɛ n wani:

1.  (1) Yire La Yire: Wana pa’alɛ la hon mɔɔli yire la yire, fon zuo bii gulesa gɔnɔ, la hon lebe ta bisɛ nɛra ti ho daa seke en yire la yire na’am mɔɔlegɔ poan.

2.  (2) Mɔɔla Zɛsɛka Woo Ti Ho Bɔna: Wana pa’alɛ la hon dekɛ yɔseko woo ti ho nyɛ ta’an di sɛɛra. Daanse’ere, ho boi la tuuma zɛ’an, sukuu poan, ho gingilega poan, loore zuo bii ho tuni la ho tuuma ge ta’an tɔɣɛ Baabule yele bo nɛra.

3.  (3) Mɔɔla Nɛrekuuŋɔ Poan: Wana pa’alɛ la hon tari gɔnɔ toroko la mɔɔla, mɔɔla zɛ’an ti ba kɔɔsa lɔɣɔrɔ, pala zuto, de’eŋo zɛ’ɛsi, lɔa station bii zɛsɛka woo ti nɛreba bɔna bim.

 14. Ton Wan Tara Vidiyodoma La Gɔnɔ Tuna Tuuma Se’em: Bɔŋa la n ani se’em la zuo, zamesegɔdaana la ta’an dekɛ vidiyo bii gɔŋɔ tum tuuma. Tuunɛ la san yeti a dekɛ vidiyo tum tuuma bii eŋa mea n loe ti a eŋɛ bala, la nari ti eŋa la a soŋera la sɔsɛ vidiyo la yele ge a da ŋmɛ vidiyo la.

15. Ba san yuum ba’asɛ, mita 15 ti ba wan dekɛ sɔsɛ bɔberɛ ayima bii bayi n wan soŋɛ kɛleseriba la ti ba tara Naayinɛ Yetɔɣum la tuna tuuma. San daɣena la ba yele la sɛla pa’asɛ, tuunɛ wa dela keendoma bii keendoma soŋeredoma tuunɛ ge la san dɛna yelese’a n pakɛ tansugere la ti keema ma’a wan tum. Tuunɛ la san dɛna la sɔsega, mabisɛka n wan tum tuunɛ la ta’an soke yɛla ase’a dekɛ pa’asɛ sokese’a n puɣum bɔna gɔŋɔ la poan la. A pɔsega yetɔɣum nari ti la ana gi’a gi’a. Bala wan bo en tɛm ti a ta’an pa’alɛ yelekpina la soŋa soŋa. Kɛleseriba la me wan nyɛ yɔ’ɔ bo lebesego. La san dɛna la sokere sɔsega, la san wan ta’an eŋɛ, la wan ana soŋa ti se’em ti a wan soke en yɛla la zom bimbine la zuo tɔɣɛ.

  16. Tansugere Baabule Zamesegɔ: Mita pitã. Tuundena dela keema n kumesɛ tuunɛ. (Zɛ’an ti keendoma ka zo’e, keendoma soŋeredoma n kumesɛ ta’an tum tuundena wa.) Keendoma tigesego la n wan bisɛ se’em n kumesɛ, nara ti a eŋɛ Tansugere Baabule Zamesegɔ la. Sɛba ti ba loe ba la nari ti ba ta’an bisɛ zamesegɔ la ti la niɛ peelumi soŋa, ta’an ba’asɛ tɛm la ti ba dekɛ bo la poan, basɛ ti gulesegɔ la poan yelekpina la niɛ peelumi ge soŋɛ nɛra woo ti ba bɔkɛ zamesegɔ la n tari nyuurɔ se’em. Sɛba ti ba loe la wan nyɛ nyuurɔ ba san geele ban pa’alɛ ba wan ita sokere la lebesego zamesegɔ se’em. (w23.04 gɔn. 24, daka) Ba san sɔsɛ bakwai la poan zamesegɔ la za’a ba’asɛ, la ka nari ti ba le taɣesa. La san wan ta’an eŋɛ, bakwai woo poan, ba tɛɛsina sɛba n biseri zamesegɔ la, la kaalegɔ la. Vom La Na’am Tuuma Zamesegɔ kuka zuodaana san yeti ba eŋɛ zamesegɔ la gi’a gi’a, mina n biseri zamesegɔ la n wan mina eŋa n wan ŋmaɛ dɛ gi’a gi’a se’em. A ta’an basɛ ti kaalegɔdaana la zɔɔsɛ kaalegɔ zɛ̃’ɛsi ase’a.

17. Mita atã. Vom La Na’am Tuuma Zamesegɔ kuka zuodaana la wan pa’alɛ tɔ ton zamesɛ sɛla. A me wan pa’alɛ yelese’a ti to wan zamesɛ bakwai sɛka n keni na la. Saŋa san bɔna, a ta’an yi sɛba n tari tuunɛ bakwai sɛka n keni na la yu’ura. San daɣena ba yele la sɛla, kuka zuodaana la n nari ti a mɔɔlɛ ge kaalɛ lɛtadoma bo tansugere la a ki’ileŋɔ sɔsega la poan wuu la san bɔna. Yelese’a ti to ita saŋa woo, maɣesɛ wuu na’am mɔɔlegɔ maaseŋɔ la duusego maaseŋɔ nari ti ba dekɛ labelɛ ge da mɔɔlɛ a yetɔɣum bimbine la zuo. Kuka zuodaana la san bisɛ ti saŋa la ka zo’e ti a wan ki’ilum sɔsega ge mɔɔlɛ bii kaalɛ lɛtadoma la, a nari ti a yele mabisɛba n tari tuunɛ To Bɔna Wuu Kristakɔma zamesegɔ la poan ti ba tum ba tuuma la gi’a gi’a ti la nara. (Bisɛ  kaalegɔ zɛ̃’ɛsi 16 la  19.) To wan dekɛ la yuunɛ la zusega ki’ilum to zamesegɔ la.

18. Zamesegɔdaana la san tum a tuunɛ la ba’asɛ, Vom La Na’am Tuuma Zamesegɔ kuka zuodaana la nari ti a dekɛ zɛsɛka ti ba dekɛ bo zamesegɔdaana la ti a dekɛ tum tuuma la pɛ̃ɣɛ ge ka’am en mita ayina poan. Kuka zuodaana la san yi mina n tari tuunɛ la, la ka nari ti a pa’alɛ zamesegɔ yele la n boi zɛ’an. Bala la, zamesegɔdaana la san ba’asɛ a tuunɛ la, kuka zuodaana la ta’an pɛ̃ɣɛ en ge nyaa pa’alɛ zamesegɔ yele la n boi zɛ’an. A pa’alɛ sɛla n sɔi ti zamesegɔdaana la tum a tuunɛ la soŋa bii a doose guŋerɛ sore poan pa’alɛ zamesegɔdaana la sɛla n sɔi ti la nara ti a malum bisɛ yele denɛ soŋa, la eŋa n wan eŋɛ bala se’em. Kuka zuodaana la ta’an le pa’alɛ bɔbese’ere ti zamesegɔdaana la mɔ ge ti la me wan soŋɛ kɛleseriba la. Ka’aŋɔ san bɔna Nɔŋɛ Nɛreba gɔnlɛmlɛm la bii Pa’alegɔ gɔnlɛmlɛm la bii Ministry School gɔŋɔ la poan, ho ta’an dekɛ ka’aŋɔ la bo en a ma’a, dedaarɛ bii daanse’ere daarɛ sa. Ho ta’an ka’am en zamesegɔ yele kaŋa mea nɔɔ poan bii zamesegɔ yele ayima me poan.—Ho san bɔta ti ho baŋɛ Vom La Na’am Tuuma Zamesegɔ bisegadaana, la ka’aŋɔdaana tuunɛ n de sɛla bisɛ  kaalegɔ zɛ̃’ɛsi 19,  24, la  25.

19. Sɛba n tari tuunɛ, la Vom La Na’am Tuuma Zamesegɔ kuka zuodaana la ka nari ti ba tum zɔɛ ba tuunɛ la tɛm. La boi bim ti Vom La Na’am Tuuma Zamesegɔ Gɔŋɔ la pa’alɛ tuunɛ woo tɛm n de se’em ge ho san tɔɣɛ yelekpina la za’a ba’asɛ, la ka nari ti ho kelum tɔɣera ti ho tɛm gee ya zuo. Nɛra n tari tuunɛ san di tɛm, Vom La Na’am Tuuma Zamesegɔ kuka zuodaana la bii ka’aŋɔdaana la nari ti a ka’am en a ma’a. (Bisɛ  kaalegɔ zɛ̃’ɛsi 24 la  25.) Yuuma, la zusega, la zamesegɔ la za’a nari ti la dɛna la awa 1 la mita 45.

20. Gingilega kaarɛ bisegadaana san wa’an ya tansugere la na, ya nari ti ya doose pa’alegɔ seko woo n boi Vom La Na’am Tuuma Zamesegɔ Gɔŋɔ la poan la san daɣena la: Tansugere Baabule Zamesegɔ la n boi To Bɔna Wuu Kristakɔma bɔberɛ la n de mita-30 la ti gingilega kaarɛ bisegadaana la wan tee dekɛ bo a pɔsega yetɔɣum la. Ge ti gingilega kaarɛ bisegadaana la nyaa bo a pɔsega yetɔɣum la, Vom La Na’am Tuuma Zamesegɔ kuka zuodaana la nari ti a pa’alɛ ton wan zamesɛ sɛla bakwai sɛka n keni na la yɛla, mɔɔlegɔ san bɔna a mɔɔlɛ bii a kaalɛ lɛtadoma ge nyaa yi gingilega kaarɛ bisegadaana la. Gingilega kaarɛ bisegadaana la san bo a yetɔɣum la ba’asɛ, a wan loe yuunɛ ti to yuum ki’ilum to zamesegɔ la. A ta’an beem mabia ti a zusɛ ki’ilum. Sɛba n tari sukuu tuunɛ deo sɛka n pa’asɛ buyi la poan la kan tum ba tuunɛ la ge ba wan laɣum la sɛba n boi deo kãtɛ la poan la. Yetɔɣum sebo n daɣɛ tiŋa la yetɔɣum ge dɛna tigesego laɣum la ya bɔna Na’am Pu’usegɔ Deo la poan la, ta’an ita bamea zamesegɔ hali gingilega kaarɛ bisegadaana la san wa’an tansugere la poan na. Ge tigesego la nari ti ba laɣum la tansugere la kelese gingilega kaarɛ bisegadaana pɔsega yetɔɣum la.

21. Tansugere zamesegɔ kan bɔna bakwai sɛka ti ya tara gingilega laɣesegɔ bii tinkãtɛ laɣesegɔ. Tiisɛ mabiisi la ti yelese’a ti ya wan zamesɛ ni bakwai la poan la dela deodoma bii nɛra woo dekɛ eŋɛ bamea bii amea zamesegɔ.

22. Tiirɛ Dia san bɔna bakwai la poan, Vom La Na’am Tuuma Zamesegɔ la kan bɔna.

23. Keendoma tigesego la n wan loe keema ti a dɛna Vom La Na’am Tuuma Zamesegɔ bisegadaana. A nari ti a bisɛ ti zamesegɔ la kena nima nima ge me dɔla pa’alegɔ la soŋa soŋa. Eŋa la ka’aŋɔdaana la nari ti ba bɔkera taaba soŋa. Vom La Na’am Tuuma Zamesegɔ Gɔŋɔ la san paɛ na, Vom La Na’am Tuuma Zamesegɔ bisegadaana la wan loe sɛba n wan tum tuuma la za’a ŋmaresi siyi la poan. Tuuma wa dela, sɛba n wan dɛna kuka zuodoma ti keendoma tigesego la loe la, zamesegɔdoma tuuma, la tuunse’a n daɣɛ zamesegɔdoma denɛ. (Bisɛ  kaalegɔ zɛ̃’ɛsi 3-16 la  24.) A san bɔna bim lɔɔsa sɛba n wan tum tuuma zamesegɔ la poan, la nari ti a bisɛ nɛra la yuuma, la a mi’ilum. La me nari ti a bisɛ nyaa nɛra la wan ta’an tɔɣɛ yele la fai fai ti a putɛkeeŋa kan daana en yoi. Nɛra woo nari ti a mina a tuunɛ ge ti bakwai atã nyaa paɛ. Dekɛ Tomam Kristakɔma Vom La To Na’am Tuuma Zamesegɔ Tuunɛ (S-89) form la gulesɛ zamesegɔdaana woo tuunɛ. Vom La Na’am Tuuma Zamesegɔ bisegadaana la nari ti a dekɛ tuuma maaseŋɔ gɔŋɔ la labelɛ information board la zuo. Keendoma tigesego la ta’an loe keema bii keendoma soŋeredaana ti a soŋɛ en. Ge keendoma ma’a n wan loe sɛba n wan tum tuunse’a n daɣɛ zamesegɔdoma tuuma.

24. Bakwai woo, keema n nari ti a dɛna Vom La Na’am Tuuma Zamesegɔ kuka zuodaana. (Zɛ’an ti keendoma ka zo’e, keendoma soŋeredoma n kumesɛ ta’an tum tuundena wa.) Eŋa n wan pi’ilum ge nyaa tĩɛ ton zamesɛ sɛla dekɛ ki’ilum. Eŋa n wan yi sɛba woo n tari tuunɛ ge me le tum tuuma ase’a keendoma la san ka zo’e tansugere la poan, yele yele wuu tuunse’a n de vidiyo ma’a ge ti sɔsega ka pa’asɛ. Zamesegɔdaana woo ti ho wan pɛ̃ɣɛ bii ka’am en la nari ti la dɛna gi’a gi’a. Keendoma la n wan bisɛ se’em n nari ti a tum tuundena wa. Saŋa ase’a, keendoma sɛba n kumesɛ la n nari ti ba dɛna zamesegɔ kuka zuodoma. Vom La Na’am Tuuma Zamesegɔ bisegadaana la ta’an dɛna zamesegɔ kuka zuodaana tabela gana keendoma bana la doose la bɔŋa la n ani se’em. Keema san bisera Tansugere Baabule Zamesegɔ, a wan ta’an dɛna zamesegɔ kuka zuodaana. Soso tɛ̃ra ti, keema la n de kuka zuodaana la nari ti a pɛ̃ɣɛ sɛba n tari tuunɛ sukuu la poan la ge me ka’am ba, la yele san pakɛ. Kuka zuodaana la nari ti a bisɛ ti zamesegɔ la za’a da di tɛm. (Bisɛ  kaalegɔ zɛ̃’ɛsi 17 la  19.) Kuka zuodaana la san bɔta, a ta’an basɛ ti ba dekɛ makrofon ayima ze’ele pa’asɛ se’em n puɣum bɔna la, la wan eŋɛ se’em ti a san yi’ira sɛba n tari tuuma la, sɛla woo wan eŋɛ kalam. Bala mea ti kuka zuodaana nara ti a zi’a yetɔɣum bimbine la zuo se’em ma’a ti zamesegɔdaana kaala Baabule la, la sɛba n tari tuunɛ bɔbese’ere n de Dekɛ Tum Tuuma Na’am Mɔɔlegɔ Poan la. Wana wan basɛ ti to kan di tɛm.

25. La san wan ta’an eŋɛ, ya loe keema n ta’an bɔ’ɔra yetɔɣum soŋa ti a ka’ana. Ka’aŋɔdaana la tuunɛ dela a ni yi mabia la ma’a bo en ka’aŋɔ, a san bisɛ ti la nari. Keendoma la keendoma soŋeredoma san ni tum tuunɛ ti gbelegere bɔna bim, a ka’am ba. Bala la, mabisɛba n tari tuuma Vom La Na’am Tuuma Zamesegɔ la poan, sɛba n bo’ori yetɔɣedaa, sɛba n biseri Pigera Zontua Zamesegɔ, la Tansugere Baabule Zamesegɔ, la kaalegɔdoma la san nara ka’aŋɔ, ka’aŋɔdaana la n wan ka’am ba. (Bisɛ  kaalegɔ zɛ’an 19.) Tansugere keendoma la zo’e zo’e san mina yetɔɣum bɔ’a la pa’alegɔ soŋa, ba ta’an tɛɛsina ka’aŋɔdaana la yuunɛ woo. La kɔ’ɔn daɣena ti ka’aŋɔdaana la bɔ’ɔra ka’aŋɔ tuunɛ woo poan.

26. Mabiisi la san zo’e sukuu la poan, tansugere la ta’an pu sukuu zamesegɔ la. Zamesegɔ se’a n pa’asɛ la woo nari ti ba tara ka’aŋɔdaana n de keema. La san nara, keendoma soŋeredaana n kumesɛ ta’an bisɛ tuunɛ la. Keendoma la wan bisɛ sɛba n wan ta’an tum ge baŋɛ nyaa la nari ti ba sɔɔsena. Ka’aŋɔdaana la nari ti a dɔla  kaalegɔ zɛ’an 18 n pa’alɛ se’em la. Zamesegɔ n pa’asɛ san bɔna, ba wan isige kɛ̃ deo seko n pa’asɛ buyi la poan ba san ba’asɛ Vo’osum Poan Yɛla la n boi Naayinɛ Tuulum Yɛla bɔberɛ la. Ba wan le lebena ba san ba’asɛ ki’i tuunɛ sukuu la poan.

27. Ba wan loe vidiyodoma ase’a ti to dekɛ tum tuuma zamesegɔ wa poan. Bakwai woo zamesegɔ vidiyodoma wan bɔna JW Library^® app la poan ti to ve’e.

© 2023 Watch Tower Bible and Tract Society of Pennsylvania

S-38-FF 11/23