Nɛreba suure ni sa’am mɛ nɛrezureba san eŋɛ sɛla ti la daam ba. Nɛreba zo’e zo’e ka boti ba dekɛ bamea delum . . .

•   nalɛɣereba n eeri sɛla ti bamea bɔta ge tamɛ nɛreba la yele la.

•   sɛba n bo’ori lasebaarɛ n ni ka nyaŋɛ bo lasebaarɛ ti yelemɛŋɛrɛ bɔna bim la.

•   naaŋɔ lɔɣɔrɔ zamesegɔdoma n ka tuni ba tuuma ti la tara nyuurɔ bɔ’ɔra nɛreba la.

•   pu’usegɔ nɛŋadoma n kɔ’ɔn mu’ɛ nini soŋera nalɛɣereba ge zaɣesɛ Naayinɛ tuuma la.

 Nɛreba tari buurɔ la ban nyɔkeri bamea, la se’em ti ba wan dekɛ bamea delum la. Baabule la kaɣɛ yeti:

•   “Da dekɛ ho mɛŋa delom nabiihe. Da delom nɛresaala n kan ta’an fan’ hɔ.”​—Yooma 146:3.

  Baabule la pa’alɛ tɔ mina ti to wan ta’an dekɛ tomea delum. A dela Yezu Krista. A yuun yeen daɣena la nɛresoŋa n tabelɛ bɔna tinparɛ wa zuo yuun kɔbesi n tole. Naayinɛ n loe Yezu ti a dɛna “naba . . . , ta a sɔ’ɔlom la kan tare ba’ahegɔ.” (Luke 1:32, 33) Yezu dela Naayinɛ Na’am la Naba, gɔmɛt sɛka n boi saazuo sa ge bisera nananawa la.​—Matu 6:10.

•   Ho san bɔta ti ho zamesɛ baŋɛ sɛla zuo ti ho wan ta’an dekɛ homea delum Yezu, kaalɛ zaseŋɔ yɛla la zuo n de “Who Is the King of God’s Kingdom?” la “Naayinɛ Na’am La Wan Eŋɛ La Bem?”