World Bank Group nɛŋadaana tɔɣɛ June 2022 lasebaarɛ poan yeti, “Tingɔŋɔ wa za’a ligeri yɛla boi la dɛŋa poan. Sankana wa ti to bɔna wa la, ligeri yɛla kpe’em mɛ ti lɔɣɔrɔ me ka ta’an da’ara.”

 International Monetary Fund yeti, “Petrol la dia kɔ’ɔn malum pa’asa mɛ, wana wa basɛ ti la kpe’em bo tinse’a n ka tari ligeri la mɛ.”

 Baabule la soŋɛ to mɛ ti to bɔkɛ sɛla n sɔi ti ligeri yɛla ba’ɛ kpe’em bala, to wan eŋɛ se’em ta’an ŋmibe de poan ge me basɛ ti to baŋɛ yɛla n wan tee se’em beere sa’am.

•   Baabule la yi’iri ton boi bɔnsɛka poan la “ba’asegɔ dabesa la.”​—2 Timoti 3:1.

•   Yezu yuun yeti “yɛla n tari dabeem” wan ita sankana wa poan. (Luke 21:11) Lɔɣɔrɔ n eŋɛ ligeri la basɛ ti dabeem n bɔna. Nɛreba kɔ’ɔn fabela la beere sa’am yele ge ti’isa nyaa ba wan ta’an diise ba deodoma.

•   Liligere gɔŋɔ la puɣum tɔɣɛ biŋe ti dia da’a wan eŋɛ ligeri sankana wa. “Mam daa wum la sɛla n wɔ̃ni la kɔ̃a. . . . N yeti, ‘Witi witi lapika bii mui lapiɣisi sitã wan dɛna la tuuntuna dayiŋɔ yɔɔrɛ.’”​—Liligere 6:6, Easy-to-Read Version.

 Ho san bɔta ti ho zamesɛ baŋɛ “ba’asegɔ dabesa la” yɛla zo’e zo’e la yetɔɣebiŋa la n boi Liligeri gɔŋɔ la poan la, bisɛ vidiyo la zuo n de Tingɔŋɔ La Tee Mɛ Kɔ’ɔn Pɔsɛ Yuun 1914 Poan ge me kaalɛ zaseŋɔ yele wa zuo n de “The Four Horsemen​—Who Are They?” (“Bani N De Yibã’areba Banaasi La?”).

•   “Ba wan mɛ yɛa ge kɛ̃’ɛra a poan, ba me wan sele daam tiisi ge di si wɔla. Ba kan mɛ ti ayima soe kɛ̃’ɛra, ba me kan burɛ ti basɛba soe dita.”​—Isaiah 65:21, 22.

•   “Dia wan ta buge tingɔŋɔ wa zuo; zɔya la zuo dia wan wɔm vilegera.”​—Yooma 72:16.

•   “Yehowa yeti, ‘Tarendoma ti ba pɛ̃regera ba la zuo, nasedoma n si’ini la zuo, mam wan isige eŋɛ sɛla.’”​—Yooma 12:5. a

 La kan yue Naayinɛ wan basɛ ti ligeri yɛla n kpe’em se’em la tole, la daɣɛ la tiŋa kayima ma’a poan ge tingɔŋɔ wa za’a waabi poan. Ho san bɔta ti ho baŋɛ yele wa n wan ta’an tum tuuma se’em, kaalɛ zaseŋɔ yele wa zuo n de “Is a Fair Economic System Possible?” (“Ligeri Yɛla Wan Ta’an Ana Soŋa Bɔ’ɔra Nɛra Woo?”).

 Ge hali la zina wa, Baabule la wan ta’an soŋɛ hɔ ti ho mina hon wan eŋɛ se’em la lɔɣɔrɔ da’a n malum pa’asa la. Sore kani poan? Ku tari la ka’aŋɔ n wan ta’an soŋɛ hɔ ti ho mina hon wan doose yɛm sore poan dita ligeri se’em. (Magaha 23:4, 5; Pa’ala 7:12) Ho san bɔta ti ho zamesɛ pa’asɛ, kaalɛ zaseŋɔ yele wa zuo n de “Protect Your Livelihood” (“Gurɛ Ho Tuuma Soŋa Soŋa”) la “How to Live on Less” (“Hon Wan Ta’an Dita Ligese’a Ti Ho Tara La Maɣesa Se’em”).