Azumadaarɛ, February 24, 2023, wan dɛna la yuunɛ n bala ti Russia pɔsɛ zabera la Ukraine. Lasebaarɛ basɛba yeti, zaberɛ la basɛ ti Ukraine la Russia soogɛpa n paɛ 300,000 n ki bii pɔɣelum. Tisi la nɛreba 30,000 me ki mɛ zaberɛ la zuo. Daanse’ere kãlɛ wa gani bala mɛ.

 Nɔyalegerɛ yele la dela, sɛla ka boi n pa’alɛ ti ba wan basɛ zaberɛ wa dabesa ana wa.

•   NPR (National Public Radio), February 19, 2023 yeti: “La boi bim ti yuunɛ n wana ti Russia soogɛpa isige zabera la Ukraine ge sɛla ka boi n pa’alɛ ti zaberɛ wa wan ki’ilum dabesa ana wa. Daanse’ere ba se’em sa’am kan ta’an zabɛ nyaŋɛ a tadaana. Ba me puɣum ka tara nɔyinɛ n wan basɛ ni ti ba basɛ zaberɛ la.”

 Nɛreba zo’e zo’e suure sa’am mɛ la zaberɛ wa la zaberɛ ase’a n ta’asɛ ti namesegɔ la wuŋerɛ paara nɛreba tingole wa za’a poan la. Baabule la basɛ ti to tara la bem beere sa’am puti’irɛ? Zaberɛ wan malum tole?

 Baabule la tɔɣɛ la zaberɛ deyima yele ti de kan sa’am asaaleba ge de wan tuɣum faaɛ ba mɛ. Zaberɛ wa dela Armagedon zaberɛ la, ti Baabule la tɔɣɛ de yele ti la dela ‘Naayinɛ n de Paŋa Za’adaana la dabeserɛ kãtɛ la zaberɛ.’ (Liligere 16:14, 16) Naayinɛ wan dekɛ la zaberɛ wa sa’am asaala gɔmɛt n ta’asɛ zaberɛ woo la. Ho san bɔta ti ho zamesɛ baŋɛ Armagedon zaberɛ la n wan basɛ ti suma’asum bɔna se’em, kaalɛ zaseŋɔ yɛla wa:

•   “Bem N De Armagedon Zaberɛ La?”

•   “Armageddon Is Good News!” (Armagedon Dela Yelesonɛ!)