António Guterres n de United Nations Secretary-General la daa yeti “Nananawa dela sansɛka n nari ti zɛ’an woo ana mama ti dɛŋa da ba’ɛ bɔna. Nananawa ti la nara ti to nyɔkera tomea paa.” A daa yele la bala Iran n daa zabɛ la Isarel Asibidaarɛ, April 13, 2024 la.

 Middle East zaberɛ la laɣum pa’asɛ la zɛse’esi ti zaberɛ bɔna tingole wa poan.

 “Nananawa, gbire gbire boi tingɔŋɔ wa poan mɛ gana Tingɔŋɔ Wa Za’a Zaberɛ Buyi saŋa la. Nɛreba tustuse tusa bayi ti la paɛ ba, bala pa’alɛ ti nɛreba banaasi woo poan ayima ti zaberɛ la paɛ en.”​—United Nations Security Council, January 26, 2023.

 Tinse’esi ti zaberɛ bɔna paa dela Israel, Gaza, Syria, Azerbaijan, Ukraine, Sudan, Ethiopia, Niger, Myanmar la Haiti. a

 Zaberɛ la wan ba’asɛ la wani ma’a? Tingɔŋɔ wa nɛŋadoma la wan ta’an basɛ ti suma’asum bɔna? Baabule la yeti bem?

 Gbire gbire n boi zina beere wa se’em la pa’alɛ ti la kan yue zaberɛ kan le bɔna. Zaberɛ n boi se’em la basɛ ti Baabule yetɔɣebiŋ’a n tɔɣɛ tomam saŋa wa yele se’em la tuna la tuuma. Baabule la yeti to boi la “teŋa [wa] ba’ahegɔ poan.”​—Matu 24:3.

•   “Ya wan wom zaba yɛla ge sɔnha zaba sɔnhega. . . . Teŋa kayema wan ihege zabɛ la teŋa kayema, te sɔ’ɔlom me deyema wan ihege zabɛ la sɔ’ɔlom deyema.”​—Matu 24:6, 7.

 Kaalɛ zaseŋɔ yɛla la zuo n de “What Is the Sign of ‘the Last Days,’ or ‘End Times’?” (Bem Yɛla N Pa’alɛ Ti To Boi La ‘Ba’asegɔ Dabesa La’ bii ‘Ba’asegɔ Saŋa La’?) ta’an baŋɛ zaberɛ n boi se’em la n basɛ ti Baabule yetɔɣebiŋ’a tuna tuuma se’em.

 Baabule la yeti zaberɛ wan ki’ilum. Bala wan ta’an eŋɛ? La daɣɛ asaala paŋa n yeti a tum dɛ ge la dela Armagedon n de “Gaŋɛ Zan’an Yenɛ zabɛ kantɛ la daarɛ la.” (Liligere 16:14, 16) Naayinɛ wan doose la zaberɛ dena wa poan basɛ ti sɛla ti a pu’ulum bo asaala la tum tuuma ti suma’asum bɔna.​—Yooma 37:10, 11, 29.

 Ho san bɔta ti ho baŋɛ Naayinɛ zaberɛ la n wan ki’ilum zaberɛ woo se’em, kaalɛ zaseŋɔ yele la zuo n de “Bem N De Armagedon Zaberɛ La?”