“Da fabeli ya beere yɛla se’ere n sɔi la beere wan tara ka ma’a yɛla. Dabeserɛ woo tari ka yɛla mɛ.”​—Matu 6:34, New World Translation.

 “Da fabele ya beere sa’am yele. Te beere sa’am san paɛ, ya wan baŋɛ ya wan eŋɛ se’em. Dabeserɛ woo la ka yɛla.”​—Matu 6:34, New International Version.

 Yezu n yuun tɔɣɛ yele ana wa la basɛ ti a kɛleseriba la tara suure lua ti la ka nari ti ba ba’ɛ fabela bii tara putɛyiila la yelese’a n wan eŋɛ beere sa’am. Ba wan tuɣum nyɛ nyuurɔ ba san ti’isa yelese’a n eŋɛ dabeserɛ la poan ma’a.

 Yezu yuun ka yeti to da ti’isa bii maasena gura beere sa’am. (Magaha 21:5) Ge a yuun soŋɛ to mɛ ti to da ba’ɛ fabela bii tara putɛyiila la yelese’a n ta’an kan eŋɛ beere sa’am. Putɛyiila ana wa wan sa’am to suure ge me wan basɛ ti to puti’irɛ kan bɔna tunse’a ti la nara ti to tum la poan. To san puɣum fabela beere sa’am yelese’a n nan ka eŋɛ la nananawa to kan ta’an maalɛ a. Saŋa zo’e zo‘e, yelese’a ti to fabela a yele la ni puɣum ka paɛ tɔ bii gaam be’ero wuu tomam n ti’iseri se’em la.

 Yelesum wa pa’asɛ la Yezu Zoore Zuo Yetɔɣum la n boi Matu a zuo 5-7 poan la. A yetɔɣum la poan, Yezu pa’alɛ ti to san ba’ɛ fabela, bala kan basɛ ti to tara pupeelulm bii vɔna yue. (Matu 6:27) A me yuun yeti to san basɛ ti Naayinɛ dɛna yia to vom poan, to kan ba’ɛ fabela beere sa’am yɛla. Naayinɛ n biseri bunbula la dusi se’em la pa’alɛ ti a me wan diisa nɛresɛba woo n pu’useri en la.​—Matu 6:25, 26, 28-33.