BAABULE KAALEGƆ ZƐ’ƐSI VUURƐ
Yon 1:1—“Pi’ileŋɔ Sa La Ti Yelesum La Yuun Boi Mɛ”
Yon 1:1 Vuurɛ
Gulesegɔ wa pa’alɛ la Yezu Krista vom n yuun ani se’em ge ti a nyaa wa’an teŋgɔŋɔ wa na dɛna nɛresaala. (Yon 1:14-17) A kaalegɔ zɛ’an 14 la poan, “Yelesum la” (bii “the Logos,” Greek, ho loʹgos) dela na’asegɔ yu’urɛ. Na’asegɔ yu’urɛ la n de “Yelesum la” pa’alɛ la Yezu n tɔɣeri Naayinɛ nɔya la a pa’alegɔ bɔ’ɔra nɛreba. Yezu yuun pa’alɛ nɛreba Naayinɛ yetɔɣum a na’am mɔɔlegɔ tuuma la poan teŋgɔŋɔ wa zuo ge kelum pa’ala ba eŋa n lebe saazuo la.—Yon 7:16; Liligere 1:1.
“Pi’ileŋɔ la”, pa’alɛ la se’em ma’a ti Naayinɛ yuun pɔsɛ a naaŋɔ tuuma ge naam Yelesum la. Bala pooren, Naayinɛ yuun doose la Yelesum la poan naam sɛla woo. (Yon 1:2, 3) Baabule la yeti Yezu n de ‘naaŋɔ woo dayɔdɛɛŋa’ ge ti eŋa “poan te Yenɛ naam sɛla woo.”—Kolose 1:15, 16.
“Yelesum la yuun dela yenɛ” pa’alɛ ti, ge ti Yezu wa’an teŋgɔŋɔ wa zuo na la, a yuun dela nɛrekãtɛ n tari halise’a ti Naayinɛ tara la. To wan ta’an tɔɣɛ a yele bala se’ere n sɔi la eŋa n de Naayinɛ Kpana ge me dɛna Naayinɛ Dayɔdɛɛŋa se’em ti Naayinɛ naɛ la en naam sɛla woo la.
Yon 1:1 Yelesum
Yon gɔŋɔ la tɔɣeri la Yezu vom la a na’am mɔɔlegɔ tuuma teŋgɔŋɔ wa zuo yele. A zuo buyina pɔsega kaalegɔ la pa’alɛ ti Yezu yuun boi la saazuo, tara bɔnsoŋa la Naayinɛ ge me dɛna mina ti Naayinɛ wan doose a poan kã bo nɛreba. (Yon 1:1-18) Yele ana wa soŋɛ tɔ ti to bɔkɛ Yezu n yuun tɔɣɛ ge eŋɛ sɛla a na’am mɔɔlegɔ tuuma la poan teŋgɔŋɔ wa zuo.—Yon 3:16; 6:38; 12:49, 50; 14:28; 17:5.
Nɛreba N Ti’isɛ Se’em La Yon 1:1
Nɛreba N Ti’isɛ Se’em: Kaalegɔ zɛ’an wa pa’alɛ ti Yelesum wa nɔɔ n de Gaŋɛ Za’a Naayinɛ la.
Yelemɛŋɛrɛ: “Yelesum la yuun boi mɛ la Naayinɛ” la pa’alɛ ti kaalegɔ zɛ’an wa tɔɣeri la nɛreba bayi n boi tɔka tɔka yele. La kan ta’an eŋɛ ti Yelesum la “boi mɛ la Naayinɛ” ge le dɛna Gaŋɛ Za’a Naayinɛ la. Gulesegɔ la le pa’alɛ ti Yelesum la daɣɛ Gaŋɛ Za’a Naayinɛ la. Yon 1:18 yeti, “nɛrese’em nan ka tabelɛ nyɛ Yenɛ la a nini.” Ge nɛreba yuun nyɛ Yelesum la n de Yezu la mɛ, se’ere n sɔi la Yon 1:14 yeti “se’em te ba yi’ira Yelehom la, ba dɔgɛ en te a bɔna la tɔ. To nyɛ a na’ahegɔ.”
Nɛreba N Ti’isɛ Se’em: Yelesum la ka tari pi’ileŋo.
Yelemɛŋɛrɛ: Kaalegɔ zɛ’an wa n yeti “pi’ileŋo” la, ka pa’alɛ la Naayinɛ “pi’ileŋo” se’ere n sɔi la Naayinɛ ka tari pi’ileŋo. Yehowa b Naayinɛ “puɣum bɔna mɛ.” (Yooma 90:1, 2) Ge Yelesum la n de Yezu Krista la, yuun tari pi’ileŋo mɛ. Eŋa n de ‘pɔsega Naayinɛ naaŋɔ la woo poan.’—Liligere 3:14.
Nɛreba N Ti’isɛ Se’em: Baabule la n yeti Yelesum la dela “yinɛ” la pa’alɛ ti to pu’usa yina zo’e zo’e.
Yelemɛŋɛrɛ: Greek yelebire la ti ba lerege ti “Naayinɛ” bii “yinɛ” (the·osʹ) la makɛ mɛ la Hebru yelebɛa ʼel la ʼelo·himʹ, ti ba dekɛ tum tuuma Old Testament poan la. Hebru yelebɛa wa vuurɛ dela, “Nɛrekãtɛ; Paŋadaana” ti ba dekɛ tɔɣɛ gaŋɛ za’a Naayinɛ la, yina ase’a hali la nɛresaaleba yele. (Yooma 82:6; Yon 10:34) Yelesum la poan ti Naayinɛ doose naam sɛla woo, bala n sɔi ti a dɛna nɛrekãtɛ la. (Yon 1:3) Baabule la n yeti Yelesum la dela “yinɛ” la, kɔ’ɔn makɛ mɛ la yetɔɣebiŋere la n boi Isaiah 9:6 la n yeti Messiah bii Krista la ti Naayinɛ loe la wan ta dɛna la “Yenɛ Kanrɛ” (Hebrew, ʼEl Gib·bohrʹ), ge daɣɛ “Gaŋɛ Zan’an Yenɛ” (ʼEl Shad·daiʹ, wuu la boi Pin’ileŋɔ 17:1; 35:11; Yɛhega 6:3; Ezekiel 10:5 se’em la).
Baabule la ka pa’alɛ ti to pu’usa yina zo’e zo’e. Yezu Krista yuun yeti: “Zote ya Na’ayenɛ ya Yenɛ la, ge tona bɔ’ɔra enŋa ma’an.” (Matu 4:10) Baabule la yeti: “Ge nɛreba basɛba han ta behere la sɛba te ba yi’ire yena. Yelemɛŋɛrɛ, yena wa la sɛba te ba behera te bama n de ba doma bo mɛ kekeko. Bala, bana wa han pon bɔna la saazuo ha, bii teŋa wa zuo, to mi te to tare la Na’ayenɛ deyena ma’an se’em n de to Sɔ. Enŋa n de se’em n naam sɛla woo, gee te enŋa mea zuo te to vɔna wa. To le mina te Yesu Krista n de to Daana ma’an te to tara. La daa dela enŋa poan te Na’ayenɛ daa naam sɛla woo. La me le kelom de’a la enŋa poan te to vɔna wa.”—1 Korint 8:5, 6.
Baabule Ase’a N Lerege Yon 1:1 Se’em
“Pi’ileŋɔ sa la ti Yelesum la boi mɛ. Yelesum la yuun boi mɛ la Naayinɛ. Yelesum la yuun boi la saazuo.”—The Bible—An American Translation, 1935, by J.M.P. Smith and E. J. Goodspeed.
“Logos la yuun kɔ’ɔn bɔna mɛ pi’ileŋo poan sa, Logos la yuun boi mɛ la Naayinɛ, Logos la yuun boi la saazuo.”—The Bible—Containing the Old and New Testaments, 1950, by James Moffatt.
“Yelesum la yuun boi mɛ pi’ileŋo poan sa. Yelesum la yuun boi mɛ la Naayinɛ. Yelesum la yuun dela yinɛ.”—The New Testament in an Improved Version, 1808, edited by Thomas Belsham, based on a New Testament translation by William Newcome.
“Pi’ileŋɔ sa la ti Yelesum la yuun boi mɛ. Yelesum la yuun boi mɛ la Naayinɛ. Bala la, Yelesum la yuun boi la saazuo.”—The Authentic New Testament, 1958, by Hugh H. Schonfield.
a La dela bala mea nɔɔ King James Version la poan.
b Yehowa dela Naayinɛ yumɛŋɛrɛ.—Yooma 83:18, NWT.
Ho Me Ta'an Bɔta Yele Ana
BAABULE YƐLA PA’ALEGƆ
Yezu Krista Dela Naayinɛ?
Yezu Krista la Gaŋɛ Za’a Naayinɛ la dela buyina? Bii ba dela yima yima?
BAABULE SOKERE LEBESEGO
Bem Zuo Ti Ba Yi’ira Yezu Naayinɛ Dayɔa?
Naayinɛ yuun san ka dɔɣɛ Yezu wuu nɛresaaleba n dɔɣeri ba kɔma se’em la, la eŋɛ la wani ti Yezu dɛna Naayinɛ Dayɔa?
BAABULE PA’ALEGƆ
Baabule Zamesegɔ Lɔɣɔrɔ
Loe Baabule zamesegɔ lɔɣese’a n wan basɛ ti ho puurɛ pee la ho zamesegɔ la ge ti ho me nyɛ nyuurɔ.
