“Naayinɛ yuun nɔŋɛ teŋgɔŋɔ wa mɛ n sɔi ti a yuun dekɛ a Dayɔyiŋa bo la wan eŋɛ se’em ti nɛresɛba woo n tari sakerɛ a poan kan nyɛ sa’aŋɔ ge ba wan vɔna daarewoo.”​—Yon 3:16, New World Translation.

 “Naayinɛ yuun nɔŋɛ teŋgɔŋɔ wa mɛ n sɔi ti a yuun dekɛ a Dayɔyiŋa bo la wan eŋɛ se’em ti nɛresɛba woo n sakɛ bo en la kan nyɛ sa’aŋɔ ge ba wan vɔna daarewoo.”​—Yon 3:16, King James Version.

 Naayinɛ nɔŋɛ to mɛ ge me bɔta ti to vɔna daarewoo. Wana wa zuo ti a yuun tum a Dayɔa Yezu Krista teŋgɔŋɔ wa zuo na la. Yezu yuun tum la yɛla zo’e zo’e teŋgɔŋɔ wa zuo. A yuun pa’alɛ a podɔleba la Naayinɛ yele mɛ. (1 Peter 1:3) Leyɛ’ɛsa, a yuun ki mɛ bo nɛresaaleba. To san wan nyɛ daarewoo nyɔvore, la dela to tara sakerɛ Yezu poan.

 Naayinɛ n “yuun dekɛ a Dayɔyiŋa bo” a la pa’alɛ la eŋa n tari nɔŋerɛ se’em. Yezu yuun dela Naayinɛ Dayɔa n boi a tɔka. Wani wani? Yezu ma’a ti Naayinɛ mea naam en. (Kolose 1:17) Eŋa ti Naayinɛ ‘naam yia a naaŋɔ lɔɣɔrɔ woo poan.’ (Kolose 1:15) Yezu poan ti Naayinɛ naam malesi la, la lɔɣese’a woo n boi la. La bala za’a Yehowa b Naayinɛ yuun tum a Dayɔa wa ti a wa’ana “tona bɔ’ɔra ba ge dɛkɛ a vom yɔ to’e nɛreba kekeko bahɛ.” (Matu 20:28) Yezu yuun namesɛ mɛ ki ti a faɛ tɔ be’em la kum poan ti yia buraa la, Adam dekɛ taɛ to la.​—Arom 5:8, 12.

 To tari sakerɛ Yezu poan la yeen daɣɛ la to sakɛ bo en bii to sakɛ eŋa n eŋɛ sɛla bo to la. La nari ti to tara sakerɛ Naayinɛ Dayɔa la poan doose la to wan nana ge tɔɣesa en la. (Matu 7:24-27; 1 Peter 2:21) Baabule la yeti: “Nɛrese’em n nam Dayɔa la wan tare vom sebo n ka tare ba’ahegɔ Na’ayenɛ zen’en la. Ge nɛrese’em n zagahɛ kan nyɛ vom.”​—Yon 3:36.

 Yezu yuun yele wana wa la se’em ma’a ti a yuun sɔsɛ la Yudadoma pu’usegɔ nɛŋadaana yu’urɛ n de Nikodemus. (Yon 3:1, 2) Sɔsega wa poan, Yezu yuun tɔɣɛ la Naayinɛ Na’am la c yɛla, la nɛra ti la nari ti ba “maan dɔɣɛ en” se’em. (Yon 3:3) A me yuun pa’alɛ eŋa n wan ta ki se’em. “Ba wan zɛnkɛ Asaala Dayɔa la saazuo [kpa en dɔɔ zuo], te se’em woo n nam mam wan tara vom sebo n ka tare ba’ahegɔ.” (Yon 3:14, 15) A me yuun basɛ ti la niɛ peelum ti, Naayinɛ n nɔŋɛ nɛresaaleba la n sɔi ti A bo yɔ’ɔ ti to ta’an tara vom. Ba’asegɔ la, Yezu yuun pa’alɛ ti la nara ti to tara sakerɛ ge ita sɛla n wan pee Naayinɛ puurɛ ta’an nyɛ vom.​—Yon 3:17-21.