Ɛɛ. Baabule ka’aŋɔ n soŋɛ deodoma ti ba tara pupeelum ba yizuo poan ase’a n wana:

1.   Basɛ ti ho pɔɣedire la makɛ la lɔɔ. Deodoma wan tara pupeelum ba san basɛ ti ba pɔɣedire la makɛ la lɔɔ.​​—Matu 19:4-6.

2.   Tara nɔŋerɛ la gilema. Hon boti ho sira bii ho pɔɣa ita ho se’em la, hon me ita en bala nɔɔ.​​—Matu 7:12; Epesus 5:25, 33.

3.   Da tɔɣera yetɔɣepɔ̃’ɔsa. Tɔɣera mama, hali ho sira bii ho pɔɣa san tɔɣɛ bii eŋɛ sɛla ti la sa’am ho suure. (Epesus 4:31, 32) Baabule la tɔɣɛ ti la bɔna Magaha 15:1 yeti: ‘Yetɔɣum n ani mama ma’ari la sunsɔa ge yetɔɣepɔ̃’ɔsa nyiiri la sunsɔa.’

4.   Tara ya yelemɛŋɛrɛ bɔ’ɔra taaba. La ka nari ti ho tara mina n daɣɛ ho sira bii pɔɣa kunkoma’asum. (Matu 5:28) Baabule la yeti: ‘Basɛ ti pɔɣedire tara na’asegɔ nɛra woo nɛŋan, da basɛ ya ti pɔɣedire gɔregɔ la tara dɛ̃ɣerɔ.’​​—Hebru 13:4.

5.   Kumesa ho kɔma nɔŋerɛ poan. Ka’ana ho kɔma ge da vɛ̃ɣena ba.​​—Magaha 29:15; Kolose 3:21.