Ɛɛ. Baabule yɛla anaasi wa wan soŋɛ hɔ, ligeri la sama yɛla poan:

1.   Maasum hon wan dekɛ ligeri tum se’em. “Se’emdaana n mɔɔri maaseŋɔ wan ba’asɛ soŋa ge se’em woo n kãbeli la, nɔŋɔ wan kɛ̃ en.” (Magaha 21:5) Da yeen kɔ’ɔn nyɛ lɔkɔ da ti ba kooseri ka zuo. Zi’ire maɣesɛ bisɛ ge kɔ’ɔn dɔla bala.

2.   Da dita sama yoo yoo. “Sandita [dela] se’em n peŋe en la yameŋa.” (Magaha 22:7) Ho san puɣum deŋɛ tara nɛra sanɛ ge ka nyaŋɛ yɔɔra eŋa n boti se’em la, tiregɛ belum en ge baŋɛ hon wan ta’an yɔɔra en se’em. Kɔ’ɔn tiregɛ dɔla bala. Dekɛ Baabule ka’aŋɔ la n pa’alɛ nɛra n tum gɔɔntuuma ze’ele to’e ligeri bo a tadaana ge nyaa yɔɔra sanɛ la tum tuuma. La yeti: ‘Sirege homea kena lɛbera en. Da makɛ mum niho bii ho zɔɣɛ.’ (Magaha 6:1-5, God’s Word Bible) Ho san bɛlena en ti la ka ze’ele, kelum kɔ’ɔn tɔɣera bɔ’ɔra en ti a sigese.

3.   Tara putɛsonɛ ligeri yɛla poan. ‘Bunbɛ’ɛleŋa kãbeli ti a nyɛ la lɔɣɔrɔ ge ka mina ti a ba’asegɔ dela nɔŋɔ.’ (Magaha 28:22, Contemporary English Version) Nintɛ̃rega la nyika ka yeen basɛ ti nɔŋɔ kɛ̃’ɛra ho mɛ ge la wan basɛ ti ho kan ta’an tuna Naayinɛ tuuma soŋa.

4.   Basɛ ti sɛla ti ho tara la seke ho. “Bala, to san tara dia la lɔɣeyɛɛtɔ, to wan basɛ ti bala seke to.” (1 Timoti 6:8) Ligeri kan ta’an basɛ ti to puurɛ pee bii la ana to soŋa. Nɛresɛba n tari pupeelum tingɔŋɔ wa poan ka ba’ɛ tara ligeri. Ban tuɣum tara sɛla dela, bamam la ba deodoma la ba zɔdoma nɔŋɛ taaba mɛ. Bamam la Yehowa me tari la bɔnsoŋa.​​—Magaha 15:17; 1 Peter 5:6, 7.