Naayinɛ Na’am La Wan Eŋɛ La Bem?
Baabule la lebesego
Naayinɛ Na’am la wan tee soe nɛresaala gɔmɛt bisera tingɔŋɔ wa za’a. (Daniel 2:44; Liligere 16:14) Bala san tum, Naayinɛ Na’am la wan . . .
Sa’am putɔpa la n daani to la basɛ. “Ba wan ŋma potɔpa la bahɛ, ge vɔn’ nɛre wuruba la ka poan.”—Magaha 2:22.
Yese zaberɛ basɛ. “Teŋparɛ wa zen’an woo, se’em ka le bɔta zaberɛ.”—Yooma 46:9.
Basɛ ti nɛra woo bɔna fai ge tara pupeelum. “Nɛra woo wan dɛla a yire tia teŋa fai, te se’em ka bɔna wan vuunhe en.”—Mikah 4:4, Good News Translation.
Basɛ ti tingɔŋɔ wa dɛna paradiisi. “Goo poan, la daɣelega zɛ’an wan tara pupeelum, ti pɔɣetia poan wan nyɛɛna ge maalɛ soŋa wuu puuro la.”—Isaiah 35:1, Contemporary English Version.
Basɛ ti nɛra woo tara pupeelum a tuuma poan. “Nɛresɛba ti n lo’e la wan di ban tom ba nu’uhe tooma la. Ba kan tom toonɛ bahɛ yoo.”—Isaiah 65:21-23.
Yese bã’asi basɛ. “Nɛra kan bɔna Zion poan yeti a bɛn’ɛnre mɛ.”—Isaiah 33:24.
Yese kuregerɛ basɛ. “Te nɛra iŋa ana wo bonbilipaalomen, la le ana wo dabehese’a te a dɛna bodibilipaalega la.”—Yob 33:25.
Isige sɛba woo n ki la. “Te sɛba woo te ba pin’ ba yɔɔrɔ poan la wan wom mam [Yezu] te n tɔɣɔra. Ba han wom bala, ba wan yehe ba yɔɔrɔ la poan na.”—Yon 5:28, 29.