La nari ti to dɔla Yezu yu’urɛ poan zusa Naayinɛ, sɛla n sɔi la eŋa ma’a ti Naayinɛ bo yɔ’ɔ ti to ta’an doose a poan tɔɣera bɔ’ɔra En. Yezu yeti: “Mam dela sore la, la yelemɛŋɛrɛ la, la vom la. Nɛra ka boi wan ta’an wa’an Sɔ la zɛ’an na san daɣena a doose la mam poan.” (Yon 14:6) Yezu yuun le yele a tuuntuneba la ti: “Mam yeti ya la yelemɛŋɛrɛ ti, ya san soke Sɔ la ɛɛra sɛla, a wan dekɛ bo ya mam yu’urɛ poan.”​—Yon 16:23.

Yelese’a zuo ti la nara ti to zusa dɔla Yezu yu’urɛ poan

•   To na’asɛ la Yezu la a Sɔ Yehowa Naayinɛ.​—Filipi 2:9-11.

•   To puurɛ pee mɛ la Naayinɛ n doose Yezu kum poan faaɛ to la.​—Matu 20:28; Tooma 4:12.

•   To sakɛ ti Yezu n boi Naayinɛ la nɛresaala tiŋasuka.​—Hebru 7:25.

•   To me bo’ori Yezu gilema la eŋa n de Malema Nɛŋadaana soŋera tɔ ti to ta’an tara bɔnsoŋa la Naayinɛ la.​—Hebru 4:14-16.