October 5, 2024 ti ba daa eŋɛ Watch Tower Bible and Tract Society of Pennsylvania yuunɛ woo sɔsega la. Sɔsega wa poan, ba daa mɔɔlɛ ti nɛra yuuma n nari ti la zuna se’em ge ti a ta’an gulesɛ gɔŋɔ ti a boti la a tum Betel bii tiokrasi mɛa tuuma n yuun de yuun 19 yɛ’ɛsa la, nyaa dela yuun 18 yɛ’ɛsa. Leyɛ’ɛsa, nɛra yuuma n nari ti la zuna se’em ge ti a ta’an gulesɛ gɔŋɔ ti a boti la a keŋɛ Na’am Mɔɔlegɔdoma Sukuu la n yuun de yuun 23 yɛ’ɛsa la, nyaa dela yuun 21 yɛ’ɛsa.

To wan pɔsɛ dɔla teeri wa nananawa. Wana wan bo bunbilipaalesi n kumesɛ yɔ’ɔ zo’e zo’e ti ba tum bo Yehowa.