Yehowa Sɛɛradoma eŋɛ la maaseŋɔ n ani soŋa ti la ta’an basɛ ti ho zamesɛ Baabule la n pa’ali sɛla. To Baabule zamesegɔ la ti to ita la ta’an soŋɛ hɔ ti ho:

•   Tara pupeelum ho vom poan

•   Dɛna Naayinɛ zɔ

•   Zamesɛ baŋɛ sɛla ti Baabule la pu’ulumbiŋe ti to wan nyɛ beere sa’am

Yelese’a ti ho wan nyɛ kalam

•  To Baabule Zamesegɔ Ani La Wani?

•  La Nari Ti N Yɔ Ge Nyaa Zamesɛ?

•  Zamesegɔ La Wan Yue La Wani?

•  N Wan Pɔsɛ La Wani?

•  N Wan Ta’an Zamesɛ Buyina Bisɛ?

•  N San Sakɛ Baabule Zamesegɔ Wa, Ba Wan Pɛregɛ Mam Ti N Dɛna Yehowa Sɛɛradoma Ayima?

•  N Wan Ta’an Kaalɛ N Mea Baabule, Zamesegɔ La Poan?

•  N Wan Ta’an Basɛ Ti Basɛba Laɣum Kɛlesa Zamesegɔ La?

•  Mam La Yehowa Sɛɛradoma San Zamesɛ Baabule La Kurum, N Wan Ta’an Le Zamesɛ?

•  Mam Mea Wan Ta’an Zamesa Baabule La Ti Nɛra Da Pa’ala Mam?

 Nɛra wan soŋɛ hɔ ti ho baŋɛ Baabule la ta’an mina Baabule yɛla. Ho san zamesa Tara Vom Somɔ Daarewoo! Baabule zamesegɔ n wan soŋɛ hɔ gɔŋɔ la, la wan soŋɛ hɔ ti ho bɔkera Baabule yɛla la fii fii ge me baŋɛ la wan ta’an soŋɛ ho se’em. Ho san bɔta ti ho zamesɛ yɛla pa’asɛ, bisɛ vidiyo wa.

 Aayi. Yehowa Sɛɛradoma doli la pa’alegɔ seko ti Yezu yuun dekɛ bo a podɔleba la: “Ya to’e la zaŋa, me bo ya zaŋa.” (Matu 10:8) Leyɛ’ɛsa, ba ka kooseri gɔnse’a ti ho wan tara zamesa la, n de wuu Baabule la, la Tara Vom Somɔ Daarewoo! gɔŋɔ la.

 Gɔŋɔ la za’a tari la zaseŋɔ piyoobe. Homea n wan bisɛ hon wan zamesa se’em ge Baabule zamesegɔdoma zo’e zo’e ni zamesɛ la zaseŋɔ ayima bii la gaŋɛ bala bakwai woo.

1.  1. Gulesɛ gɔŋɔ intanɛt poan bo. To wan dekɛ la homea yɛla la ti ho gulesɛ tisɛ la basɛ ti Yehowa Sɛɛradoma ayima sɔsɛ la hɔ.

2.  2. Baabule pa’alegɔdaana wan sɔsɛ la hɔ. Ho Baabule pa’alegɔdaana la wan pa’alɛ hɔ Baabule zamesegɔ la n wan ana se’em ge me wan lebese sokere se’a woo ti ho tara la.

3.  3. Hon la ho Baabule pa’alegɔdaana la n wan maasum ya wan zamesɛ se’em. Ya ta’an laɣum zi’ire zamesɛ bii ya dekɛ fon, video call, mail bii email eŋɛ zamesegɔ la. Zamesegɔ woo nari ti la dɛna la awa ayina ge ya ta’an eŋɛ dɛ gi’a gi’a bii la wɔɣɛ ti la makɛ la ho bɔŋa n ani se’em.

 Ɛɛ. Ho san bɔta bala, gulesɛ gɔŋɔ intanɛt poan bo. Baabule pa’alegɔdaana la san sɔsɛ la hɔ, yele en yeti ho boti la ho zamesɛ buyina bisɛ Baabule zamesegɔ la n ani se’em. A wan basɛ ti ya dekɛ Tara Vom Somɔ Daarewoo! gɔnlɛmlɛm la n tari yia zaseŋɔ butã la zamesɛ, ti ho bisɛ nyaa ho boti zamesegɔ la.

 Aayi. Yehowa Sɛɛradoma nɔɔ boti la ba pa’ala nɛreba Baabule la ge to kan malum pɛregɛ nɛra ti a pa’asɛ to pu’usegɔ poan. To ni tuɣum eŋɛ se’em dela, to ni doose la gilema sore poan tɔɣɛ Baabule la n yele sɛla ge me tɛ̃ra ti nɛra woo tari sore ti a loe eŋa n wan sakɛ bo sɛla.​—1 Peter 3:15.

 Ɛɛ, ho wan ta’an kaalɛ Baabule sɛka ti ho bɔta, zamesegɔ la poan. La boi bim ti tomam nɔŋɛ la to kaala New World Translation of the Holy Scriptures Baabule la n ka tari tuure ti de bɔkerɛ me ka tɔna la. Ge to kelum mina ti nɛreba zo’e zo’e nɔŋɛ la ba kaala bamesi n tari Baabule se’a la.

 Ɛɛ. Ho ta’an basɛ ti ho yire nɛreba za’a bii ho zɔdoma laɣum kelese zamesegɔ la.

 Ɛɛ. Yelemɛŋɛrɛ la dela, ho puurɛ wan pee la to Baabule zamesegɔ n nyaa ani se’em nananawa la se’ere n sɔi la, ba malum demese to Baabule zamesegɔ la mɛ ti la makɛ la yelese’a n pakɛ nɛreba. Zamesegɔ la n nyaa ani se’em nananawa la tari la fɔɔra la vidiyodoma ge me dɛna sɔsega gana Baabule zamesegɔ n yuun ani se’em la.

 Ɛɛ. La boi bim ti zamesegɔdoma zo’e zo’e ni nyɛ nyuurɔ mɛ ba san basɛ ti nɛra pa’ala ba ge nɛreba basɛba boti la bamesi zamesɛ yia. To Baabule Zamesegɔ Lɔɣɔrɔ bɔberɛ la tari la lɔɣese’a n wan soŋɛ hɔ ho Baabule zamesegɔ la poan. Lɔɣɔrɔ wa ase’a n wan ta’an soŋɛ hɔ n wana:

•   Baabule Vidiyodoma. Vidiyodoma gi’a gi’a la n boi zaseŋɔ la poan la tɔɣeri pa’ala la Baabule pa’alegɔ.

•   Baabule Sokere Lebesego. Yelese’a n boi bim la tari la Baabule sokere zo’e zo’e lebesego.

•   Baabule Kaalegɔ Zɛ’ɛsi Vuurɛ. Viisɛ baŋɛ Baabule kaalegɔ zɛ’ɛsi zo’e zo’e ti nɛreba mina vuurɛ.